Lau be hanua ta ladana, Saxony dekenai lau vara, guna unai be German Democratic Republic (GDR). Emai ruma bese lalonai ai lalokau heheni bona egu tama sina ese lau dekenai kara namodia idia hadibaia. GDR be Komiunis tanona, unai dainai Saxony taudia be tomadiho idia laloa bada lasi. Bona lau abia dae Dirava ia noho lasi. Lagani 18 lalonai hahediba herevadia rua lau laloa bada: Dirava be lasi ena lalohadai bona Komiunis herevadia.

Dahaka dainai Komiunis herevadia lau abia dae? Badina taunimanima ibounai be hegeregere ena lalohadai lau ura henia. Danu, lau laloa kohu ibounai idia haria namonamo be namo, badina unai amo taga bona ogogami do ia ore. Unai dainai, Komiunis orea ta lau durua. Egu mauri lagani be 14 neganai, nega bada lau halusia environmental project ta dekenai lau gaukara totona bona unai be pepa gunadia amo pepa matamatadia lau karaia. Taoni maragina ladana Aue be egu gaukara namona dainai idia moale bona gavamani taudia ese lau dekenai ladana bada, certificate bona chinese hodu ta ia henia. Ena be lau be mero matamata, to GDR ena gavamani taudia haida lau dibaia. Lau laloa egu tahua gaudia be idia maoro bona egu mauri do ia namo.

To, daudau lasi murinai, egu mauri ia idau. Lagani 1989 ai, Berlin Wall idia hamorua, bona unai nega tamona ai Eastern Europe ena Komiunis gavamani idia kokia. Hoa gauna ta murinai ma ta ia vara. Gabeai lau davaria nega momo GDR dekenai kara gageva ia vara. Hegeregere, Komiunis herevadia idia abia dae lasi taudia idia laloa bada lasi. To edena bamona unai ia vara? Komiunis taudia ese taunimanima ibounai be hegeregere ena lalohadai idia abia dae, ani? Komiunis karadia be koikoi, a? Lau lalohekwarahi bada.

Unai dainai, egu mauri lalonai lau atoa tahua gaudia lau haidaua bona miusiki bona laulau penia karana sibona lau laloa. Lau be miusiki ena haisikuli ta dekenai lau sikuli bona lau ura iunivesiti dekenai do lau lao, badina lau ura musician-artist o ane abia tauna ta ai do lau lao. Danu, lau maragi neganai lau badinaia kara namodia lau rakatania. Lau dekenai mai anina bada gauna be lau ura egu mauri lau moalelaia, bona kekeni haida be nega tamona ai do lau tura henia. To miusiki, laulau penia karana bona taravatu badinaia lasi maurina ese egu lalohekwarahi ia haorea lasi. Lau penia laulaudia danu be lalohekwarahi bona gari idia hahedinaraia. Vaira negai dahaka do ia vara? Mauri ena anina be dahaka?

Gabeai, egu henanadai edia haere lau davaria neganai, lau hoa bada. Adorahi ta, miusiki sikuli gabunai, lau bona stiuden ma haida be vaira nega ai herevalaia. Mandy * be stiuden ta bona danu ia be Iehova ena Witnes ta. Unai adorahi ai, sisiba namona ta ia henia. Ia gwau, “Andreas, bema oi ura mauri bona vaira nega totona haere oi abia namona be Baibel oi tahua namonamo.”

Ena hereva lau abia dae lasi, to egu lalona lau hadaia Baibel amo haere do lau tahua totona. Mandy ese lau dekenai Daniela karoa 2 ia hahedinaraia bona lau duahia neganai, lau hoa bada. Inai peroveta herevana ese tanobada ena basileia badadia ia herevalaia, bona guna idia noho gavamani ema bona hari ia herevalaia. Danu, Baibel amo vaira nega ena peroveta herevadia ma haida ia hahedinaraia. Hari egu henanadai edia haere lau davaria! To, daika ese inai peroveta herevadia ia torea, bona daika ese vaira nega ia gwauraia diba? Momokani, Dirava ia noho, a?

Mandy ese Witnes headava tau bona hahine, Horst bona Angelika be lau dekenai ia hakaua mai bona idia ese lau idia durua Baibel lau lalopararalaia namonamo totona. Karaharaga lau laloparara Iehova ena Witnes taudia sibona ese hanaihanai Dirava ena ladana, Iehova, idia gaukaralaia bona ma haida dekenai idia hadibaia. (Salamo 83:18; Mataio 6:9) Lau dibaia gauna ta be Iehova Dirava ese taunimanima dekenai tanobada paradaisona ai do idia mauri hanaihanai ena helarona henia. Salamo 37:9 ia gwau: “Iehova idia abidadama henia taudia be tanobada do idia noholaia.” Lau moale badina inai helaro be taunimanima ibounai totona, bema Baibel ena hereva hegeregerena Dirava ena kara maoromaoro taravatudia idia badinaia.

To, lau hekwarahi sisina egu kara lau haidaua bona Baibel ena hereva namodia lau badinaia. Musician-artist o ane abia tauna ta ai lau lao bona lau heagi, unai dainai manau karana lau dibaia guna be namo. Danu, lau hekwarahi noho kara dikadia lau rakatania totona. Lau moale badina Iehova be idia hekwarahi Baibel ena hadibaia herevadia idia ura badinaia taudia dekenai haheauka, hebogahisi, bona laloparara karana ia hahedinaraia!

Lagani 18 lalonai Komiunis bona Dirava be lasi lalohadaina lau laloa bada, to Baibel ese lau ia durua noho egu kara lau haidaua unai nega amo ema bona hari. Lau dibaia gaudia ese lau ia durua vaira nega totona do lau lalohekwarahi lasi bona lau dekenai mauri mai ena anina ia henia. Lagani 1993 ai bapatiso lau abia bona Iehova ena Witnes tauna ai lau lao, bona lagani 2000 ai, Tabitha lau adavaia, ia be keristani hahine goadana ta. Bona nega bada ai halusia taunimanima ai durua Baibel idia lalopararalaia totona. Ai davaria taudia momo edia mauri dalana be egu mauri gunana hegeregerena, Komiunis bona Dirava be lasi lalohadaina idia abia dae. Lau moale bada badina idia lau durua diba Iehova idia dibaia totona.

Iehova ena Witnes taudia ida lau stadi matamaia neganai, egu tama sina be idia moale lasi. To, unai nega amo ema bona hari idia itaia Iehova ena Witnes taudia ida lau hebamo dainai egu mauri be ia namo ia lao. Lau moale bada badina hari idia ese Baibel idia duahia bona Iehova ena Witnes taudia edia Keristani heboudia dekenai idia lao.

Lau bona Tabitha be ai gaukara goada Baibel ena sisiba headava taudia totona ai badinaia dainai ai moale. Hegeregere, Baibel ena sisiba ta ta badinaia karana dekenai ai badinaia dainai, unai ese emai headava ia hagoadaia.​​—Heberu 13:4.

Hari, egu mauri bona vaira nega totona lau lalohekwarahi lasi. Lau mamia lau be tanobada hegegemadai keristani ruma besena lalonai lau noho bona unai bese lalonai maino bona lalotamona korikorina lau moalelaia. Inai ruma bese lalonai ta ta ai kara henia maka tamona ai. Egu mauri lalonai unai lau abia dae bona lau ura unai kara lau badinaia.