Famili Ia Moale Totona Dahaka be Gau Badana?
Oi laloa . . .
-
lalokau?
-
moni?
-
gau ma ta?
BAIBEL IA GWAU
“Dirava ena hereva idia kamonai bona badinaia taudia be idia moale!”—Luka 11:28, Nega Matamata Baibel.
UNAI SISIBA ENA NAMO
Do umui lalokau heheni.—Efeso 5:28, 29.
Do umui hemataurai heheni.—Efeso 5:33.
Do umui noho namonamo.—Mareko 10:6-9.
BAIBEL ITA ABIDADAMA HENIA DIBA, A?
Oibe, badina rua be inai:
-
Dirava ese famili ia havaraia. Baibel ia gwau, Iehova Dirava amo “bese ibounai ese edia ladana idia abia.” (Efeso 3:14, 15) Ita gwau diba, Iehova ese famili ia havaraia. Dahaka dainai unai be mai anina bada?
Inai oi laloa: Bema oi be aniani namona ta oi ania bona oi moalelaia dainai, oi ura unai aniani lalonai idia udaia gaudia oi diba, daika do oi nanadaia? Unai aniani ia nadua tauna o hahinena do oi nanadaia, ani?
Unai hegeregerena, bema ita ura famili ia moale dalana ita diba, famili ia havaraia Diravana, Iehova, ena heduru ita tahua be namo.—Genese 2:18-24.
-
Dirava be oi ia laloa bada. Famili ibounai ese Baibel amo Iehova ena heduru idia tahua be aonega karana. Dahaka dainai? “Badina ia be umui ia laloa bada.” (1 Petero 5:6, 7) Iehova be emu namo ia laloa bada—bona ena sisiba ese nega ibounai taunimanima ia durua!—Aonega Herevadia 3:5, 6; Isaia 48:17, 18.
MANI OI LALOA
Edena dala ai oi be tau, hahine, eiava tama o sina namona ai oi lao diba?
Haere be inai Baibel siridia dekenai: EFESO 5:1, 2 bona KOLOSE 3:18-21.
Reana Inai Danu Oi Ura
NOGA!
Aonega Sisiba—Famili Ia Moale Totona
Headava tatau, hahine, tama sina, bona natudia ese famili ia moale totona dahaka idia karaia diba?
NOGA!
Ruma Bese Ia Moale Daladia—Gaukara Hebou
Oi laloa headava taudia be ruma tamona dekenai ai noho hebou kava, a?
AI KARAIA GAUDIA
Dahaka Dainai Baibel Stadilaia?
Tanobada ibounai, taunimanima milioni momo edia henanadai badadia be Baibel ese ia haerelaia. Oi ura Baibel amo heduru oi abia, a?
AI KARAIA GAUDIA
Vadivadi Totona Oi Noinoi
Baibel ena henanadai herevalaia, eiava Iehova ena Witnes taudia io diba namonamo.
