Vaira negana be edena bamona oi laloa?
Iseda tanobada maurina . . .
-
do ia idau lasi, a?
-
do ia dika, a?
-
do ia namo, a?
BAIBEL IA GWAU
“Dirava . . . ese mata ranu ibounai be edia matana amo do ia dahua oho, bona mase be do ia ore, bona lalohisihisi, taitai, bona hisihisi danu be do idia ore. Gau gunadia be idia ore vadaeni.”—Apokalupo 21:3, 4, Nega Matamata Baibel.
UNAI GWAUHAMATA ENA NAMO
Gaukara namodia do oi moalelaia.—Isaia 65:21-23.
Gorere o hisihisi idauidau do idia ore.—Isaia 25:8; 33:24.
Emu famili bona turadia ida mauri hanaihanai do oi moalelaia.—Salamo 37:11, 29.
BAIBEL ITA ABIDADAMA HENIA DIBA, A?
Oibe, badina rua be inai:
-
Dirava ena siahu be hegeregere gwauhamata ia hagugurua totona. Baibel ia gwau, Iehova be “Siahu Ibounai Diravana,” badina iena siahu be mai ena hetoana lasi. (Apokalupo 15:3) Unai dainai, Dirava ese iseda tanobada maurina ia senisia diba, iena gwauhamata hegeregerena. Baibel ia gwau: “Dirava ese gau ibounai ia karaia diba.”—Mataio 19:26.
-
Dirava ia ura gwauhamata ia hagugurua. Hegeregere, Iehova ia ‘ura dikadika’ idia mase taudia ia hatoredia isi lou.—Iobu 14:14, 15.
Danu, Baibel ia gwau Dirava ena Natuna, Iesu, ese gorere taudia ia hanamodia. Dahaka dainai? Badina ia ura unai ia karaia. (Mareko 1:40, 41) Ena Tamana hegeregerena, Iesu be mai ena ura ida taunimanima ibounai ia durua.—Ioane 14:9.
Unai dainai, ita diba Iehova bona Iesu idia ura ita idia durua vaira negana ai ita moale totona!—Salamo 72:12-14; 145:16; 2 Petero 3:9.
MANI OI LALOA
Edena dala ai Dirava ese iseda tanobada do ia hanamoa?
Haere be inai Baibel siridia dekenai, MATAIO 6:9, 10 bona DANIELA 2:44.
Reana Inai Danu Oi Ura
GIMA KOHORONA
Diba Maorona Oi Abia Vaira Negana Totona
Dirava ese tanobada bona tanobada do idia noholaia taudia totona gau namodia ia gwauhamatalaia ena helaro laloa bada.
TOPIK MA HAIDA
Helaro Korikorina Vaira Nega Totona
Dahaka dainai Baibel ena gwauhamata be taunimanima edia gwauhamata bona peroveta herevadia amo ia idau?
MAI ANINA BADA BAIBEL HADIBAIA HEREVADIA
Dirava Ena Basileia be Dahaka?
Iesu ena hesiai gaukara negana lalonai, iena hahediba herevadia ibounai amo Dirava ena Basileia herevana ia hadibaia momo. Lagani handred momo lalonai, ena murinai idia raka taudia be Basileia ia mai totona idia guriguri.
GIMA KOHORONA
Dirava Ena Basileia ese Dahaka Do Ia Hagugurua?
Iesu ia diba Dirava ena Basileia sibona ese tanobada ai idia vara dika idauidau ia hanamoa diba. Unai Basileia ese dahaka ia hagugurua vadaeni iseda abidadama ia hagoadaia totona?
AI KARAIA GAUDIA
Vadivadi Totona Oi Noinoi
Baibel ena henanadai herevalaia, eiava Iehova ena Witnes taudia io diba namonamo.
