“Ti kans wëlt layt in te macht fon tëm woo xlëcht is.” — 1 João 5:19.

“Kot sayne soon is khom fer. . . tas se fernichte woo te Taywel am mache is.”— 1 João 3:8, Bíblia na Linguagem de Hoje.

Tas se ferxteen khan tich hëlfe . . .

se wise warom ti wëlt propleeme hot.— Revelação (Apocalipse) 12:12.

sicher se sin tas ti wëlt mool een pësere plats këpt. — 1 João 2:17.

Yaa, wëche tray atikle:

• Tëm Taywel sayn hërxaft is tsiimlich am ën.  Yeehoowa hot sich foer kenom ti hërxaft fom Taywel iwer ti mënxheet tsum ën se pringe. Kot ferxprëcht ‘te Taywel se fermache’, un ales was tee kaput kemacht hot wiiter kuut se mache. — Hebreus 2:14, Tradução do Novo Mundo.

• Kot hot Yeesus raus kesuucht fer ti wëlt se rechiire . Tee woo hayt ti wëlt rechiirt, is xlëcht un tënkt ploos aan sich. Yeesus is kans anerste. Kot ferxprëcht tas te kheenich Yeesus tuut ti keweenliche layt un “ti aarme tauere, un . . . ti seele fon tëne tuut ëyer fon unertrikung un wiolënts los mache”. — Salmo 72:13, 14.

• Kot khan nët liie.  Ti Piipel saat tas soo kenau: “Tas is unmeechlich tas Kot liit.” (Hebreus 6:18) Wën Kot was ferxprëcht, tuut Ëyer tas hale! (Isaías 55:10, 11) Mëyer khëne sicher sin tas ‘te hër fon te wëlt raus keworeft këpt’. — João 12:31.