2024 թ. փետրվարի 14-ին Սմոլենսկի Պրոմիշլեննի շրջանի դատարանը մեղավոր ճանաչեց քույրեր Տատյանա Գալկևիչին և Վալենտինա Վլադիմիրովային ու դատապարտեց երկու տարվա պայմանական ազատազրկման։ Նրանք չեն կալանավորվի։

1. Մայիսի 14, 2019

   Տատյանայի և Վալենտինայի գործով քրեական հետախուզություն սկսվեց։ Ոստիկանները խուզարկեցին նրանց տները, կալանավորեցին քույրերին և ավելի քան 48 ժամ հարցաքննեցին։ Թեև երկուսն էլ ունեն քրոնիկ առողջական խնդիրներ, սակայն նրանց վերցրին նախնական կալանքի։

2. Նոյեմբերի 22, 2019

   Ավելի քան վեց ամիս անց Տատյանային և Վալենտինային ազատ արձակեցին՝ նախնական կալանքը փոխարինելով տնային կալանքով։

3. Դեկտեմբերի 31, 2019

   Վալենտինայի առողջական վիճակը սրվեց, և նրան տեղափոխեցին հիվանդանոց։

4. Օգոստոսի 6, 2020

   Մոտ վեց ամիս անց Տատյանայի վրայից հանվեց տնային կալանքը, սակայն նա չպետք է լքեր բնակության վայրը։ Վալենտինան մնաց տնային կալանքի տակ, նրան թույլատրվում էր զրուցել միայն իր հարազատներից մեկի և իրավաբանի հետ։

5. Հոկտեմբերի 2, 2020

   Իշխանությունները 400 էջանոց փաստաթղթում մեղադրանք են ներկայացրել Տատյանայի և Վալենտինայի դեմ: Քույրերը մեղադրվել են «ծայրահեղական կազմակերպության գործունեությունը թաքցնելու մեջ»։

6. Հոկտեմբերի 14, 2020

   Նախնական դատական նիստի ժամանակ դատավորն անընդունելի ապացույցների պատճառով գործը վերադարձրեց դատախազություն՝ հետագա քննության համար։ Թեև Վալենտինան նիստի ժամանակ չէր կարողանում ոտքի կանգնել իր առողջական վատ վիճակի պատճառով, սակայն դատարանը մերժեց նրան տնային կալանքից ազատելու հայցը։

7. Փետրվարի 25, 2021

   Վերաքննիչ դատարանը բեկանել է գործը դատախազություն վերադարձնելու որոշումը՝ թույլ տալով շարունակել դատավարությունը։

Մենք աղոթում ենք, որ Եհովան շարունակի «զորություն և վահան» լինել Վալենտինայի, Տատյանայի և Ռուսաստանում ու Ղրիմում բնակվող մեր այլ հավատակիցների համար, ովքեր լուրջ փորձություններ են կրում (Սաղմոս 28։7)։