‘Semua Bup Kudus endang bepun ari Petara.’—2 Timoti 3:16, Bup Kudus Baru.

Meri saut ti mantupka ati kitai ba tanya ti besangkut enggau pengidup kitai.—Jaku-Dalam 2:1-5.

Jaku ajar ti beguna ba pengidup kitai.—Masmur 119:105.

Pengadang ti ulih dikearapka.—Rome 15:4.

Ulih, uji pikirka tiga iti kebuah tu:

• Enda nyangkal sama diri. Bup Kudus ditulis 40 iku orang dalam timpuh 1,600 taun. Mayuh sida tu enda kala betemu enggau pangan diri. Taja pia semua utai ke ditulis sida enda nyangkal sama diri, nulis batang ajar ti sama.

• Jerita ti ulih dikearapka. Penulis jerita selalu ngelalai pasal pengalah sida. Tang penulis Bup Kudus amat lurus, enda ngelalai pasal pengurang sida empu tauka bala raban sida.—2 Bansa Israel 36:15, 16; Masmur 51:1-4.

• Jaku ti benabi ti ulih dikearapka. Pengerusak nengeri Babilon kelia bisi dipadah ba Bup Kudus 200 taun sebedau iya nyadi. (Isaiah 13:17-22) Ukai semina iya madahka baka ni iya deka dirusak, Bup Kudus mega bisi madahka sapa orang ke deka ngalahka nengeri Babilon!—Isaiah 45:1-3.

  Mayuh agi jaku ti benabi ke bukai udah nyadi nyata nyentukka pekara ti mit. Ukai ka tu meh utai ti dikearapka kitai ari Jaku Petara?—2 Peter 1:21.