NU KUNNASI NGA MALSA I LUSSAW
1 | Ari Ka nga Mangireruma
I Kagian na Biblia:
“I Dios ay arian na nga padduma-ruman i pangikakua na ta totolay. Ta alawatan na i sinni laman nga matunung anna minakkimoray sa, maski nu anni nga rasa i naggafuan na.”—KINGNGUA 10:34, 35.
I Kayà Na Kagian:
Ari ittam husgan ni Jehova * nga Dios base ta nasiottam, lahi, kulor, onu kultura tam. I kononaggattam i importante ta nisa. Kagian gapa na Biblia nga “innan na tolay i masingan laman na mata na, ngem innan ni Jehova i egga ta futu.”—1 Samuel 16:7.
I Makuam:
Maski ari tam mabibbig i futu na totolay, maparigattam lapa i Dios ta ari na pangireruma. Ariattam nga nonopan nga para-parehu i kada tolay ta tadday nga grupo. Nu matageno mu nga mannegatibo ka ngana ta tanakuan—angngarigan na, ta tanakuan i lahi onu nasiodda—ipakimallo mu ta Dios nga malsam yatun nga mataga-tageno mu. (Salmo 139:23, 24) Nu napafutu i pakkiddom tu uffun kani Jehova tapenu ari ka nga mangireruma, makasiguradu ka nga ginnan anna uffunan naka.—1 Pedro 3:12.
^ par. 6 Jehova i ngagan na Dios.—Salmo 83:18, NW.
“Ariakku paga vuluvuga nga nagitubang kabiko na tadday nga furaw . . . Parte ngà ngana na kuru-kurug nga internasional nga pawwaragi.”—TITUS