Ācɛ Nōo Kwū A Géē Yeeyi Gla Kpɔ Ɛɛ?
A géē ka . . .
-
ii?
-
ehee?
-
ń jé nóó?
ƐLĀ NƐ UBÁYÍBU KA A
“Ɔwɔicō géē je odúúdú ācɛ nēe gekwú ā . . . héyí ŋmá ɔlékwū.”—Úklɔ́ kú Ācotɛ̄hɔ̄ 24:15 Ubáyíbu Ku Idɔ̄ma Ā.
ƐGƐNYÁ NŌÓ GÁĀ TA UWƆ ABƆ A?
Ɔtu ō tu kwu ɔtu eko nɛ ɔcɛ nɛ a yihɔtu nu gekwu.—2 Ācɛ Ukɔ́rīnti 1:3, 4.
A gáā yuufi ku ikwū gɛ ŋ.—Ācɛ Uhíbru 2:15.
Eyiyoce ku a géē piyatɔha mla ācɛ nɛ a yihɔtu uwa nōo kwū a.—Ujɔ́ni 5:28, 29.
ALƆ KPƆTUCE ƐLĀ NƐ UBÁYÍBU KA A GLA A?
Ii, ohigbu ɛlā ɛta nyā:
-
Ɔwɔico ya Oyeeyi a. Ubáyíbu ka Ujehofa “yá ɔdā dóódu nōo yēeyī á.” (Aíjē kú Ɛ̄gbā 36:9; Úklɔ́ kú Ācotɛ̄hɔ̄ 17:24, 25) Ɔwɔico nōo je oyeeyi lɛ aɔdā doodu nōo yeeyi a, lɔfu je oyeeyi cigbihi lɛ ɔcɛ duuma nōo gekwu a gla.
-
Ɔwɔico he ācɛ eyī ŋma ɔlekwu gbɔbu ɛɛ. Ubáyíbu kɛla lɛyikwu ācɛ ahata nɛ ó heyi ŋma ɔlekwu ipu ɛcɛ nyā. É kē lɛ ō ya mla aɛdrɔ, okplici, acɛnyilɔ mla acɛnya. Ōhī ku uwa kwū eko kpii, amáŋ éyi ku uwa ya ɛ̄cī ɛnɛ ipu unoji!—Ujɔ́ni 11:39-44.
-
Ɔwɔico lɛ ɔtu caca ō ya lɛ a kpɔ. Ɔtu i gē he Ujehofa abɔ ācɛ gē kwū a ŋ. Ɛnyā mafu ka ikwū wɛ olɛla ku nu. (1 Ācɛ Ukɔ́rīnti 15:26) Ujehofa yɔ i ya ɔtu caca kóō lɛ olɛla nyā yale, ó géē je ikwū piya anca o bu ipu ō heyi ŋma ɔlekwu. Ó klla yɔ i ya ɔtu caca kóō je ācɛ nōo yɔ ipu ɔtu ku nu a heyi ŋma ɔlekwu kéē lā ipu ɛcɛ nyā kpɔ.—Ujóbu 14:14, 15.
GBƐLA TU ƆKA NYĀ
Ɔdiya nɛ alɔ gē hila klla i kwū a?
Ubáyíbu cila ohi ku nu ipu ɔkpá ku OHÚTU 3:17-19 mla ĀCƐ URÓM 5:12.
You May Also Like
ESSENTIAL BIBLE TEACHINGS
Ɔdi Gē Ya Ɔcɛ Ɔdaŋ Ka Ó Gekwu A?
Ubáyíbu da alɔ lɛyikwu eko nɛ ācɛ alɛwa géē heyi ŋma ɔlekwu ɛgɛ nɛ Ulasarɔsi heyi a.
LƐYIKWU ALƆ
Ɔdi Ya Naa Cika O Y’oklɔcɛ ku Ubáyíbu?
Ubáyíbu yɔ johi k’ɔka nɛhi ku oyeeyi lu ɛwa nɛhi ipu ɛcɛ. A dɔka o wɛ éyi ku uwa a?
