“[Ɔwɔico] géē nya ɛjɛ̄ɛ̄jī agīje ŋmá īkpēyī kú uwā. Ikwū í gáā yɔ̄ gɛ ŋ́, ācɛ í gáā yēkwu gɛ ŋ́, ācɛ í gáā jikwū gɛ ŋ́, ācɛ í kē gáā jɔ́ɔnɔ gɛ ŋ́. Ohígbū ka aɔ́dā otɛtɛ ā le pɛ́ i yɛ ɛɛ́.”—Ɔdā Nēé Mafú lɛ Ujɔ́ni 21:3, 4, Ubáyíbu kú Idɔ̄ma Ā.

A géē yuklɔ olɔhi nōo géē cɛ gā uwɔ gweeye—Ayisáya 65:21-23.

Ōcē mla owe duuma i gáā yɔ gɛ ŋ—Ayisáya 25:8; 33:24.

A géē jɔɔnyɛ ku oyeeyi opiyoo mla apɔlɛ ku uwɔ mla ācɛ nɛ a yihɔtu uwa.—Aíjē kú Ɛ̄gbā 37:11, 29.

Ii, ohigbu ɛlā ɛpa nyā:

• Ɔwɔico lɔfu ō ya okonu nɛ ó ce a jila. Ubáyíbu ka ku Ujehofa “lɔfú fíyɛ́ dúú ā,” ohigbu ku ɔfu ku nu i lɛ ɛji ŋ. (Ɔdā Nēé Mafú lɛ Ujɔ́ni 15:3) Ɔwɔico géē bi ɔfu ku nu le gla ɛcɛ nyā ya. Ubáyíbu kahinii: “ɔdā dóódu tɔ́ɔtɛ́ ō yá lɛ Ɔwɔicō.”—Umátiyu 19:26.

• Ó wɛ ɔtu ku Ɔwɔico kóō lɛ okonu ō ce ku nu ya jila. Ocabɔ mafu, Ujehofa lɛ ɔtu caca kóō je ācɛ nōo kwū a heyi ŋma ɔlekwu.—Ujóbu 14:14, 15.

  Ubáyíbu klla mafu ka Ujisɔsi nōo wɛ Ɔyi ku Ɔwɔico a, hɛ ācɛ ta ŋma ōcē ku uwa. Ɔdiya nɛ ó ya lɛ á? Ó wɛ ɔdā nōo he ɔ ɔtu ō ya. (Umáki 1:40, 41) Ujisɔsi mafu ɛdɔ ɔcɛ nɛ Adā nu wɛ a, o ŋma lɛ ɛgɛ nɛ ó ta ācɛ abɔ a.—Ujɔ́ni 14:9.

  Ohigbu ɛnyā, alɔ jé kpɔcii ku Ujehofa mla Ujisɔsi dɔka ō ta alɔ abɔ, ku alɔ lɛ eeye ɛcɔbu.—Aíjē kú Ɛ̄gbā 72:12-14; 145:16; 2 Upíta 3:9.