“Odúúdú ɛcɛ kē yɔ̄ ipú abɔ̄ kú ɔ̄cobɔ̄bípú ā.”—1 Ujɔ́ni 5:19.

“Ohígbū ɛ̄nyā nēé ma ɔyínɔ̄nyīlɔ kú Ɔwɔicō wā á. O yá cɛ́ɛ́ kóō lɛ úklɔ́ kú ebilíi bīya.”—1 Ujɔ́ni 3:8, Ubáyíbu kú Idɔ̄ma ā.

Ɔdā nōo ya ɛɛ nɛ unwalu yɔ ipu ɛcɛ nyā.—Ɔdā Nēé Mafú Lɛ Ujɔ́ni 12:12.

Ɛnyā mafu ka ɛcɛ ku alɔ nyā géē piyabɔ gā olɔhi.—1 Ujɔ́ni 2:17.

Ii, ohigbu ɛlā ɛta nyā:

• Ɔcɛ́ ō ce ku Ebilii géē mɛ. Ujehofa le tutu ka anuɔ géē bi ɔcɛ́ ō lé ku Ebilii ikpɛyi alɛɛcɛ wa oŋmɛyi. Ó cokonu ka anuɔ géē je “Ebilíi . . . yíífi” klla je aɔdā nɛ Ebilii biya a glaya.—Ācɛ Uhíbru 2:14.

• Ɔwɔico lɛ Ujisɔsi Ukraist fu ku ó wɛ ɔcɛ́ ku oduudu ɛcɛ. Ɔcɛ́ ō ce ku Ujisɔsi wɛ ɛyɛɛyi gwu ɔcɛ́ ō ce ku alaci mla ɔbiipu ku Ebilii a ta. Lɛyikwu ɔcɛ́ ō ce ku Ujisɔsi a, Ɔwɔico cokonu kahinii: “Ó gē ményinyi ācɛ nēé lɔfú ŋ́ mɛ́mla aólɛhá ā . . . Ó gē hɛ́ uwā tá ŋmá abɔ̄ kú ācɛ nēe lɔnɔɔtū ā mɛ́mla ācɛ nēe ī pīya uwá tū ā.”—Aíjē kú Ɛ̄gbā 72:13, 14.

• Ɔwɔico i kɛmgbɛ gla ŋ. Ubáyíbu ka tɛɛcɛ peee ka: “Ɔwɔicō í gē kɛ̄mgbɛ̄ ŋ́.” (Ācɛ Uhíbru 6:18) Eko duuma nɛ Ujehofa le okonu ce ō ya odee, ó géē ya ɔ piii. (Ayisáya 55:10, 11) “Ɔwɔicō géē nū otrɛ̄yí ku ɛcɛ nyā tɛ́ɛcɛ.”—Ujɔ́ni 12:31.