Abụ Solomọn 7:1-13
7 “Gị nwa agbọghọ a na-akwanyere ùgwù,Ụkwụ gị mara ezigbo mma n’akpụkpọ ụkwụ i yi.
Úkwù gị mara mma ka ihe e ji achọ mmaNke onye na-akpụ ihe nke ọma kpụrụ.
2 Otubo gị dị ka efere dị okirikiri.
Ka mmanya a gwara agwa ghara ịkọ na ya mgbe ọ bụla.
Afọ gị dị ka ikpo ọka witNke e ji okooko lili gbaa gburugburu.
3 Ara gị abụọ yiri ụmụ ele abụọ,Bụ́ ụmụ ejima nne ele mụrụ.+
4 Olu gị+ yiri ụlọ elu e ji ọdụ́ rụọ.+
Anya gị+ dị ka ọdọ mmiri ndị dị na Heshbọn,+N’akụkụ ọnụ ụzọ ámá Bat-rabim.
Imi gị dị ka ụlọ elu Lebanọn,Nke chere Damaskọs ihu.
5 Isi gị mara mma ka Ugwu Kamel,+Ntutu isi gị*+ dịkwa ka ajị anụ na-acha pọpụl.+
Otú ogologo ntutu isi gị si awụgharị masịrị eze.
6 Nwa agbọghọ m hụrụ n’anya, ị mara ezigbo mma,Ị mara mma karịa ihe niile na-eme ka obi tọọ mmadụ ụtọ.
7 Ị dị ka nkwụ,*Ara gị yikwara ụyọkọ mkpụrụ nkwụ.+
8 M sịrị, ‘M ga-arịgo n’elu nkwụKa m ghọrọ ụyọkọ mkpụrụ ya.’
Ka ara gị dịrị ka ụyọkọ mkpụrụ vaịn.
Ka ume ị na-ekupụ na-esi ísì ọma ka apụl.
9 Ka ọnụ* gị dịrịkwa ka ezigbo mmanya.”
“Ka o jiri nwayọọ na-agbada n’akpịrị onye m hụrụ n’anya,Jirikwa nke nta nke nta na-abanye n’ọnụ ndị ụra na-eburu.”
10 Abụ m nke onye m hụrụ n’anya,+Ọ bụkwa m na-agụ ya agụụ.
11 Onye m hụrụ n’anya, bịa.
Ka anyị gaa n’ọhịa.
Ka anyị nọrọ n’ebe okooko osisi hena dị.+
12 Ka anyị bilie n’isi ụtụtụ gaa n’ubi vaịnKa anyị hụ ma mkpụrụ vaịn ò puola,Ma okooko ya ọ̀ gbawaala,+Ma osisi pomigranet ọ̀ maala ifuru.+
M ga-anọ ebe ahụ gosi gị na m hụrụ gị n’anya.+
13 Ahịhịa mandrek*+ na-esipụta ísì ọma ya.
Ụdị ọmarịcha mkpụrụ osisi ọ bụla dị n’ọnụ ụzọ anyị.+
Onye m hụrụ n’anya, m doweere gịMa ndị ochie ma ndị ọhụrụ.
Ihe E Dere n'Ala Ala Peeji
^ Na Hibru, “Isi gị.”
^ Nkwụ a bụ ụdị nkwụ a na-ahụkarị na Palestaịn.
^ Na Hibru, “okpo ọnụ.”
^ Ụmụ nwaanyị na-eri mkpụrụ ahịhịa a maka na ha chere na ọ ga-eme ka ha dị ime.
