Ilu 30:1-33
30 Okwu gbara ọkpụrụkpụ Egọ nwa Jeke kwuru, nke ọ gwara Itiel na Yukal.
2 Mmadụ niile ma ihe karịa m,+Anaghịkwa m aghọta ihe otú mmadụ kwesịrị isi ghọta ihe.
3 Amụtabeghị m ihe bụ́ amamihe,Amaghịkwa m ihe Onye Kacha Nsọ ma.
4 Ònye gbagorola n’eluigwe ma gbadata?+
Ònye ji ọbụ aka ya abụọ kpokọta ifufe?
Ònye ji ákwà kechie mmiri?+
Ònye kere ebe niile ụwa sọtụrụ?+
Gịnị bụ aha ya, gịnịkwa bụ aha ọkpara ya, ma ọ bụrụ na ị ma?
5 Okwu niile Chineke na-ekwu enweghị ntụpọ.*+
Chineke bụụrụ ndị na-agbaba n’ime ya ọta.+
6 Etinyela ihe ọ bụla n’okwu ya,+Ka ọ ghara ịbara gị mba,Gị abụrụzie onye ụgha.
7 Chineke, m na-arịọ gị ihe abụọ.
Ajụla imere m ha tupu mụ anwụọ.
8 Nyere m aka ka m ghara ịna-ekwu ihe na-abụghị eziokwu, ka m ghara ịna-agha ụgha.+
Emela ka m daa ogbenye, enyekwala m akụnụba.
Naanị nye m nri ga-ezuru m,+
9 Ka afọ wee ghara iju m, mụ agọnahụ gị, sị, “Ònye bụ Jehova?”+
Ekwekwala ka m daa ogbenye, ka m wee ghara izu ohi ma mebie aha Chineke m.
10 Ekwutọla onye na-eje ozi ná ntị nna ya ukwu,Ka onye ahụ na-eje ozi ghara ịbụ gị ọnụ, ikpe ewee ma gị.+
11 E nwere ndị* na-akpọ nna ha iyi,*Ha anaghịkwa agọzi nne ha.+
12 E nwere ndị* chere na ha dị ọcha,+Ma a sapụbeghị ha unyi dị ha n’ahụ́.*
13 E nwere ndị* na-ebuli onwe ha elu,Ndị dịkwa nnọọ mpako.+
14 E nwere ndị* ezé ha dị ka mma agha,Ndị agba ha dịkwa ka mma e ji egbu anụ.
Ha na-eripịa ndị ọ na-enweghị ka ọ hà haNakwa ndị ogbenye.+
15 Etu mụrụ ụmụ abụọ ndị na-ebe ákwá, sị: “Nye m! Nye m!”
E nwere ihe atọ afọ na-anaghị eju eju,Ihe anọ na-anaghị asị, “O zuola!”
16 Ha bụ ili*+ na akpa nwa nwaanyị agaNa ala na-anaghị enweta mmiri,Nakwa ọkụ nke na-anaghị asị, “O zuola!”
17 Onye na-akwa nna ya emo ma na-eleda nne ya anya,+Ugoloọma nke ndagwurugwu ga-aghụpụta anya ya,Ụmụ ugo ga-erikwa ya.*+
18 E nwere ihe atọ gbara m gharịị,Ihe anọ m na-aghọtabeghị:
19 Otú ugo si efegharị n’eluigwe,Otú agwọ si arịgharị n’elu nkume,Otú ụgbọ mmiri si aga n’oké osimiri,Nakwa ije nwoke na nwaanyị.
20 Ihe nwaanyị na-akwa iko na-eme bụ:
O richaa, ya ehichaa ọnụ ya,Sịzie, “E nweghị ihe ọjọọ m mere.”+
21 E nwere ihe atọ na-emenye ụwa egwu,Ihe anọ ndị mmadụ na-enweghị ike idi:
22 Mgbe ohu ghọrọ eze,+Mgbe onye iberiibe rifere nri ókè,
23 Mgbe ọ bụ nwaanyị a kpọrọ asị ka nwoke gara lụọ,Nakwa mgbe nwa agbọghọ na-eje ozi nọchiri nne ya ukwu.+
24 E nwere ihe anọ so n’ihe ndị kacha nta n’ụwa,Ma ha ma nnọọ ihe:*+
25 Ndanda esighị ike,Ma ha na-akwadebe ihe oriri ha n’ọkọchị.+
26 Ewi nkume+ esighị ike,Ma ha na-arụ ụlọ ha ná nnukwu nkume.+
27 Igurube+ enweghị eze na-achị ha,Ma ha niile na-aga n’usoro.*+
28 Agụ ụlọ*+ na-agagidesi aka ike n’ihe,Ọ na-abanyekwa n’obí eze.
29 E nwere ihe atọ otú ha si aga mara ezigbo mma,Ihe anọ otú ha si aga dị ebube.
30 Ha bụ ọdụm, bụ́ anụ kacha anụ ọhịa niile ike,Nke na-anaghị agbara onye ọ bụla ọsọ;+
31 Na nkịta ntá; na mkpi;Nakwa eze nke ya na ìgwè ndị agha ya so.
32 Ọ bụrụ na i zuzurula bulie onwe gị elu+Ma ọ bụ na i cheela echiche ime otú ahụ,Kpuchie ọnụ gị aka.+
33 N’ihi na otú ahụ a na-enweta bọta ma a kpagharịsie mmiri ara ehi ikeNakwa otú ahụ ọzọimi* na-agba mmadụ ma a pịsie ya aka n’imi ike,Ka esemokwu na-amalite ma a kpasuo mmadụiwe.+
Ihe E Dere n'Ala Ala Peeji
^ Ma ọ bụ “bụ okwu e ji ọkụ nụchaa.”
^ Ma ọ bụ “na-abụ nna ha ọnụ.”
^ Na Hibru, “ọgbọ.”
^ Na Hibru, “ọgbọ.”
^ Na Hibru, “nsị ha.”
^ Na Hibru, “ọgbọ.”
^ Na Hibru, “ọgbọ.”
^ Ma ọ bụ “Shiol.” Gụọ Nkọwa Okwu.
^ Ya bụ, anya ya.
^ Ma ọ bụ “ha bu amamihe pụta ụwa.”
^ Ma ọ bụ “ha na-aga n’ìgwè n’ìgwè.”
^ Ma ọ bụ “Ncheke.”
^ Ma ọ bụ “ọbara.”
