“Owuleji bwula igu ka juwa ha angịnyị wuu.”—Ụkụrwọ nya Alẹrụ 24:15, ỊBayịbụụ nya Ohe Oluhye.

À ka ye ẹjẹ ọkpụ́kpụ ụka ká ọngịnyị nyang á gbu.—2 Ala ịKọrịntị 1:3, 4.

À ka ye ọ-gba kpehe bwu ẹpwụ nya uhi nya igu ogbugbu.—Ala iHiburu 2:15.

À ka lahị ọdahile nyọka yẹjula angịnyị nyang ịlẹ kị gbu hing ẹnẹhẹ wẹẹ.—ỊJọn 5:28, 29.

Ee, u-uhye nya ahị nya ẹla ịta:

• Ohe Oluhye à họ ọhịhị lẹ. ỊBayịbụụ wụrụ iJihova Ohe Oluhye nya “ẹmwụ-enyi nya ọhịhị.” (Eje Ọnyịịla 36:9; Ụkụrwọ nya Alẹrụ 17:24, 25) Ọngọ ya ọhịhị ha ang ọdịhụ ọnyị myị́ ọnyị wuu la ọngịrị nyọka tịrị ọhịhị ẹkpẹ ha angịlẹ kị gbu.

• Ohe Oluhye wule angịnyị eji bwula igu lụka ọ-kam kẹkpẹ. ỊBayịbụụ ya ẹla ẹ-ẹga ịdatị-datị u-uhye nya angịnyị—anjwo, angịgbahị, alẹng bala anyang ịlẹ kị́ wuleji bwula igu wẹ ka hịhị myịmyị ám̀ odehe. Angịhyẹ nyaa á gbu tata ene ka, ma ọngọ ookpokpo ẹ-ẹpwụ nyaa ri ẹnụtụrụ ine i-iworu!—ỊJọn 11:39-44.

• Ohe Oluhye charịnya nyọka họ ịnyị myịmyị. Igu ogbugbu wụ iJihova ẹjẹ; ọ yọọ lala oluji. (1 Ala ịKọrịntị 15:26) Ọ nwụlanọ kọ ka kụrụ oluji ọwẹ, ọ ka tọọ ayịreji gbang-gbang bala owule egu eji. Ọ charịnya nyọka tịrị angịlẹ kị́ juwa irya nyamwụ ẹkpẹ wẹ odehe ọlẹ ka la ọhịhị myịmyị wẹẹ.—IJobu 14:14, 15.