Ẹñwu Ch’Ojanẹ Ọjọ?
Ẹ neju kaki . . .
-
ẹñwu ki defu ẹdọ?
-
ọla adale?
-
ọfẹ ka ef’ojale?
G’ẸÑWU KI BAIBUL KA
“Ọjọ e-efojale ad’ojanẹ ka dago ku ma ma akp’ọ biẹ ogbegbelẹ n.”—Daniẹl 2:44, Ọtakada Ọla Ọjọ Ichi Ọja.
‘Ma f’ọma bi ñwu wa, ọda duu aj’ojika-wñ.’—Aizaya 9:6, Ọtakada Ọla Ọjọ Ichi Ọja.
ILE K’Ẹ NEKE NẸ KWEFU ẸÑWU KI BAIBUL KA-I
-
Ọfẹ ọkpakpa k’onugo wẹ ajile kwefu-wñ.—Aizaya 48:17, 18.
-
A na n’ọlai ki chẹ jọkpa kp’ẹdẹbọ ef’ilẹ ki ana wa-i.—Ọla Ebitẹ 21:3, 4.
A NEKE KẸDỌN’ỌLA KI BAIBUL KA?
Iii, g’ẹñwu meji ki jẹñwu wa k’abalẹ:
-
Jisọs che du tejugede ẹñwu k’Ojanẹ Ọjọ ana che. Jisọs kọ amakọchẹ-wñ ku ma ch’adua k’Ojanẹ Ọjọ ki lewa k’unekwu Ọjọ ki che anẹ ilẹ-i. (Matiu 6:9, 10) Jisọs che du ña alu k’Ọjọ ana gb’adua lẹ.
Ẹgba ki Jisọs d’anẹ ilẹ-i, i k’ujẹñwu ñw’amonẹ jẹ, i ch’ọga ma kpa, i d’iñmi dabi ñw’abo ki kwu! (Matiu 15:29-38; Jọn 11:38-44) Alu ki chi Jisọs ana j’ọfẹ Ojanẹ Ọjọ ejọgba, i che du ña ẹñwu ọmẹmẹlẹ k’ọfẹ Ojanẹ lẹ ana che ñw’abo-wñ.—Ọla Ebitẹ 11:15.
-
Amẹñwu ki t’ilẹ ache mudu tejugede kak’Ojanẹ Ọjọ mẹr’ọwọ mẹ. Jisọs che katanẹ kaki tak’Ojanẹ Ọjọ ki d’urẹdọ w’anẹ ilẹ-i, a dejudo am’akanya dab’ogwu, ukpọta kpai anẹ emiejo.—Matiu 24:3, 7.
A dọmọ ali amẹñwu-i gbaa eñini. Todulẹ, a neke kẹdọno kakini Ojanẹ Ọjọ adu am’akanya duu ki defu ilẹ-i w’ukpoji.
KPIBE OJI ENE-I
Abu ẹ neju kak’anẹ ilẹ-i ana dẹ iko k’Ojanẹ Ọjọ lewa?
Baibul che dohi ene-i ef’ọtakada ELI EKỌ D’ỌJỌ 37:29 kpai AIZAYA 65:21-23.
You May Also Like
ẸÑWU KI LUGBO WA
Ẹñwu Chi Ki Nyọ Kẹ Kọchẹ Baibul
Baibul dọmọ ad’ohi am’ene ogbogaga ñwu amonẹ wewe efu ilẹ-i. Uwẹ atene kẹ ch’onẹ ka efu ma?
