“Ẹnẹbibi lẹ anẹ ọgbọ ilẹi le.”—1 Jọn 5:19.

“Ọma Ọjọ kwotejugede . . . todu ki mukọlọ Abulumonẹ tu.”—1 Jọn 3:8, Ọtakada Ọla Ọjọ.

Ya chatẹko wẹ kẹma ẹtẹ akanya ilẹi—Ọla Ebitẹ 12:12.

Ijẹ ñwu wa ka kẹdọno kaki ilẹi ananyọ.—1 Jọn 2:17.

Eee, inyagbẹ todu ẹñwu mẹta-í:

• Ọfẹ Setan anya kpoji. Jihofa che fibe ñwu mujọ kia mamonẹ turanẹ kwefu ọwọ Setan. “Ọjọ gbalutanẹ kia d’Abulumonẹ wukpoji,” kẹñwu duu ki Setan kpabiẹ kia ñọche.—Abo Hibru 2:14, Ọtakada Ọla Ọjọ.

• Ọjọ chi Jisọs ki Jọnu ilẹi. Jisọs kate chojoji efu ilẹi kọfẹ ñwu ma chọfẹ ẹdọ ẹkpa kpai umọlami kate n. Ọjọ chegbalu lugbo ọfẹ Jisọs, kaki ya “chejumomi abo ki hiọlama wanẹ kpai amẹnẹ ọbata. Iya ñọ keju nyañwu nyañwu kpai ukẹdọfulu kwefu ọlai ma.”—Eli Ekọ d’Ọjọ 72:13, 14.

• Ọjọ neke remi n. Baibul che ka pee kakini “ijẹ che ñwu Ọjọ ki remi n.” (Abo Hibru 6:17) Ichẹñwu ki Jihofa gbalu kia chẹñwu idabẹnẹ ki fẹñwu lẹ chemẹ! (Aizaya 55:10, 11) “Ma adagboji ilẹi rọtinyọ.”—Jọn 12:31.