Amos 1:1-15
1 Dagitoy ti imbaga ni Amos* a maysa kadagiti agtartaraken iti karnero idiay Tekoa.+ Naawatna dagitoy babaen ti sirmata maipapan iti Israel idi kaaldawan ni Ari Uzias+ ti Juda ken idi kaaldawan ti anak ni Joas+ a ni Jeroboam+ nga ari ti Israel, dua a tawen sakbay ti ginggined.+
2 Kinunana:
“Agungorto ni Jehova idiay Sion,Ket ipigsana ti timekna idiay Jerusalem.
Agtikagto dagiti pagpaaraban dagiti pastor,Ket magangonto dagiti mula iti tapaw ti Carmelo.”+
3 “Daytoy ti imbaga ni Jehova,‘“Gapu iti tallo a panagrebelde* ti Damasco, ken gapu iti uppat, diakto ibabawi dayta,Ta inirikda ti Gilead kadagiti landok a pagirik.+
4 Isu a mangyegakto iti apuy iti balay ni Hazael,+Ket dayta ti manguram kadagiti natibker a torre ni Ben-hadad.+
5 Tukkolekto dagiti trangka ti Damasco;+Dadaelekto dagiti agnanaed iti Bikat-avenKen ti agturturay* iti Bet-eden;Ket maipanto idiay Kir dagiti umili ti Siria,”+ kuna ni Jehova.’
6 Daytoy ti imbaga ni Jehova,‘“Gapu iti tallo a panagrebelde ti Gaza,+ ken gapu iti uppat, diakto ibabawi dayta,Ta innalada ti amin a naipanaw+ tapno iyawatda iti Edom.
7 Isu a mangyegakto iti apuy iti pader ti Gaza,+Ket dayta ti manguram kadagiti natibker a torrena.
8 Dadaelekto dagiti agnanaed iti Asdod,+Ken ti agturturay* iti Askelon;+Dusaekto ti Ekron,+Ket matayto ti amin a nabati a Filisteo,”+ kuna ti Kangatuan* nga Apo Jehova.’
9 Daytoy ti imbaga ni Jehova,‘Gapu iti tallo a panagrebelde ti Tiro,+ ken gapu iti uppat, diakto ibabawi dayta,Ta ti amin a naipanaw ket inyawatda iti Edom,Ken saanda a linagip ti tulag ti panagkabsat.+
10 Isu a mangyegakto iti apuy iti pader ti Tiro,Ket dayta ti manguram kadagiti natibker a torrena.’+
11 Daytoy ti imbaga ni Jehova,‘Gapu iti tallo a panagrebelde ti Edom,+ ken gapu iti uppat, diakto ibabawi dayta,Ta kinamatna iti espada ti mismo a kabsatna,+Ken saanna a kinaasian;Iti ungetna, kanayon a rangrangkayenna ida;Ken saan nga agpatpatingga ti pungtotna kadakuada.+
12 Isu a mangyegakto iti apuy iti pader ti Teman,+Ket dayta ti manguram kadagiti natibker a torre ti Bozra.’+
13 Daytoy ti imbaga ni Jehova,‘“Gapu iti tallo a panagrebelde dagiti Ammonita,+ ken gapu iti uppat, diakto ibabawi dayta,Ta binutiakanda dagiti masikog a babbai ti Gilead tapno mapalawada ti teritoriada.+
14 Isu a mangpasgedakto iti apuy iti pader ti Rabba,+Ket dayta ti manguram kadagiti natibker a torrena,A napakuyogan iti ikkis dagiti makigubat,Ken napigsa nga angin iti aldaw ti bagyo.
15 Ket maipanawto ti arida ken dagiti prinsipena,”+ kuna ni Jehova.’
Footnotes
^ Kaipapananna, “Maysa nga Awit” wenno “Agbagbagkat iti Awit.”
^ Wenno “krimen.”
^ Lit., “ti mangig-iggem iti setro.”
^ Wenno “Soberano.”
^ Lit., “ti mangig-iggem iti setro.”
