Salmo 10:1-18
ל [Lamed]
10 O Jehova, apay a nakaad-adayoka?
Kadagiti tiempo ti rigat, apay a dinak ikaskaso?+
2 Pagpangpangas ti managdakdakes ti panangidadanesna iti awan gawayna,+Ngem masiluan kadagiti mismo a silo nga impakatna.+
3 Ta pagtangsit ti managdakdakes dagiti managimbubukodan a tarigagayna*+Ken idaydayawna ti naagum;*נ [Nun]Saanna a raraemen ni Jehova.
4 Gapu iti kinapannakkelna, saan nga agsukimat ti managdakdakes;Kanayon a pampanunotenna: “Awan ti Dios.”+
5 Rumangrang-ay dagiti aramidna,+Ngem dina maawatan dagiti pangngeddengmo;+Lalaisenna ti amin a kabusorna.
6 Kunana iti bagina: “Diakto pulos maan-ano;*Diakto pulos makakita iti didigraUray kaano.”+
פ [Pe]
7 Puro lunod, kinaulbod, ken pamutbuteng ti ibagbagana;+Makadadael ken makapasakit ti panagsasaona.+
8 Agtambang iti asideg dagiti purok;Rummuar iti paglemlemmenganna tapno patayenna ti inosente.+
ע [Ayin]
Agsipsiput iti kakaasi a biktimaenna.+
9 Aguray a kas iti leon iti paglemlemmenganna.*+
Padaananna sadiay ti tao nga awan gawayna.
Alaenna nga ipanaw ti natiliw ti silona.+
10 Parigatenna ti biktimana agingga a maitumbana;Dagiti kakaasi ket saan a makalapsut kadagiti imana.*
11 Kunana iti bagina: “Saanen a malagip ti Dios dayta.+
Sabalin ti nangituronganna iti rupana.
Dina pulos makita dayta.”+
ק [Qof]
12 O Jehova, tumakderka.+ O Dios, agtignayka.+
Dimo lipaten dagiti awan gawayna.+
13 Apay a ti managdakdakes dina raraemen ti Dios?
Kunana iti bagina: “Dinakto singiren.”
ר [Resh]
14 Ngem maim-imatangam dagiti riribuk ken rigat.
Makitkitam ket asikasuem dagiti bambanag.+
Sika ti pagpatulongan ti kakaasi a biktima;+Sika ti tumulong iti awan amana nga ubing.*+
ש [Shin]
15 Tukkolem ti takiag ti managdakdakes ken nakillo,+Dusaem koma gapu iti kinadakesna,Agingga a saanmon a makita ti kinadakesna.
16 Ni Jehova ket Ari iti agnanayon nga awan inggana.+
Napukaw dagiti nasion manipud iti daga.+
ת [Taw]
17 Ngem denggemto ti kiddaw dagiti naemma, O Jehova.+
Pabilgemto ti pusoda+ ken ipangagmo ida.+
18 Ipakatmonto ti hustisia kadagiti mairurrurumen ken awanan ama,+Tapno awanen ti tao a mangbutbuteng kadakuada.+
Footnotes
^ Wenno “tarigagay ti kararuana.”
^ Wenno mabalin nga, “Idaydayaw ti naagum ti bagina.”
^ Wenno “agibar-ibar (agdiwengdiweng).”
^ Wenno “kasamekan.”
^ Wenno “napigsa a gammatna.”
^ Wenno “ulila.”
