Salmo 102:1-28
Kararag ti maysa a mairurrurumen bayat ti panagrigatna.* Iyebkasna ken Jehova dagiti pakaseknanna.+
102 O Jehova, denggem ti kararagko;+Dumanon koma kenka ti panagpakaasik iti tulongmo.+
2 Dinak tallikudan iti tiempo ti panagrigatko.+
Iyasidegmo ta lapayagmo* kaniak;Darasem koma a sungbatan ti panagpatulongko.+
3 Ta kasla asuk nga agpukaw dagiti aldawko,Maur-uram dagiti tulangko a kasla beggang iti urno.+
4 Kimmapsut ti pusok a kas iti nalaylay a ruot,+Ta awan ti ganasko a mangan.
5 Gapu iti nagpigsa a panagasugko,+Dimket dagiti tulangko iti lasagko.+
6 Kapadak ti billit a pelikano iti let-ang;Kaslaak iti bassit a kullaaw iti nagbabaetan dagiti rebba.
7 Nakaiddaak a siririing;*Kaslaak iti billit nga agmaymaysa iti rabaw ti atep.+
8 Agmalmalem nga um-umsiendak dagiti kabusorko.+
Dagidiay manguy-uyaw* kaniak us-usarenda ti naganko a pagilunod.
9 Ta dapo ti kankanek a pannakatinapayko,+Ken natibnokan payen kadagiti luak ti in-inumek,+
10 Gapu iti unget ken rurodmo,Ta binagkatnak tapno laeng ibellengnak.
11 Anniniwan a dandanin maawan* ti kayarigan dagiti aldawko,+Ken kaslaak iti ruot a maganggango.+
12 Ngem addaka iti agnanayon, O Jehova,+Ket agtalinaed ti kinalatakmo* iti amin a henerasion.+
13 Sigurado nga agtignaykanto ken kaasiam ti Sion,+Ta tiempon nga ipakitam kenkuana ti paraburmo;+Itan ti naituding a tiempo.+
14 Kailalaan ngamin dagiti adipenmo ti batbatona+Ken ipatpategda uray ti tapokna.+
15 Pagbutnganto dagiti nasion ti nagan ni Jehova,Pagbutnganto ti amin nga ari iti daga ti kinadayagna.+
16 Ta bangonento manen ni Jehova ti Sion;+Ipakitananto ti dayagna.+
17 Ipangagnanto ti kararag dagidiay awan mabalbalinna;+Saannanto a tagibassiten ti kararagda.+
18 Naisurat daytoy para iti sumaruno a henerasion,+Tapno dagiti tattao a mayanakto* pay laeng idaydayawdanto ni Jah.
19 Ta tumantannawag manipud iti nasantuan ken nakangatngato nga ayanna,+Manipud langit, kitkitaen ni Jehova ti daga,
20 Tapno denggenna ti panagasug ti balud,+Tapno wayawayaanna dagidiay nasentensiaan a matay,+
21 Tapno maipakaammo ti nagan ni Jehova idiay Sion+Ken maidaydayaw idiay Jerusalem,
22 Inton aguummong dagiti tattao ken pagpagarianTapno agserbida ken Jehova.+
23 Pinukawna ti pigsak idi kabambanuagak;Pinaababana dagiti aldawko.
24 Kinunak: “O Diosko,Dimo pugsaten ti angesko bayat a kapigpigsaak,Sika a ti biagna ket awan patinggana.+
25 Idi un-unana, insaadmo dagiti pundasion ti daga,Ket dagiti imam ti nangaramid iti langit.+
26 Mapukawdanto, ngem agnanayonto nga addaka;Madadaeldanto amin a kas iti bado.
Sukatamto ida a kas iti bado, ket awandanton.
27 Ngem saanka nga agbalbaliw ken dinto pulos agpatingga dagiti tawenmo.+
28 Natalgedto ti panagbiag ti annak dagiti adipenmo,Dinto maan-ano dagiti annakda iti sanguanam.”+
Footnotes
^ Wenno “panagkapsutna.”
^ Wenno “Agparintumeng ken agimdengka.”
^ Wenno mabalin a, “Kimmuttongak.”
^ Wenno “manglalais.”
^ Wenno “Umat-atiddog nga anniniwan.”
^ Wenno “naganmo.” Lit., “pakalaglagipam.”
^ Lit., “maparsuanto.”
