Salmo 12:1-8
-
Agtignay ni Jehova
-
Nasudi dagiti sasao ti Dios (6)
-
Iti direktor; naisurot iti tono ti Seminit.* Kanta ni David.
12 O Jehova, isalakannak ta awanen ti napudno a tao;Awanen ti masarakan a matalek kadagiti tattao.
2 Agiinnulbodda iti maysa ken maysa;Mangar-artiok* ken mangal-allilawda.*+
3 Amin a mangar-artiok a bibig ket putdento ni JehovaAgraman dagiti napangas a dila,+
4 Dagidiay mangibagbaga: “Awan ti makaatiw iti dilami.
Usarenmi ti bibigmi agingga iti kaykayatmi;Asino koma ti mangdiktar kadakami?”+
5 “Gapu ta marigrigatan dagiti mairurrurumen,Gapu ta umas-asug dagiti napanglaw,+Agtignayakto,” kuna ni Jehova.
“Isalakankonto ida kadagiti manglalais kadakuada.”*
6 Nasudi dagiti sasao ni Jehova;+Kayariganda ti pirak a napasudi iti damili nga urno,* a namimpito a napagbalin a puro.*
7 Saluadamto ida, O Jehova;+Manipud iti daytoy a henerasion, agnanayon a salaknibamto ti tunggal maysa kadakuada.
8 Nakawaywaya nga agpagnapagna dagiti managdakdakesTa idaydayaw* dagiti tattao ti nakaro a kinadakes.+
Footnotes
^ Lit., “Agsasaoda babaen ti nalamuyot a bibig.”
^ Lit., “agsasaoda a siping ti pusoda.”
^ Wenno “mangpug-aw kadakuada.”
^ Wenno mabalin a, “pagtunawan nga urno iti daga.”
^ Wenno “nagugoran.”
^ Wenno “iwarwaras.”
