Salmo 122:1-9
Kanta Dagiti Sumangsang-at. Salmo ni David.
122 Naragsakanak idi imbagada kaniak:
“Intayo idiay balay ni Jehova.”+
2 Ket ita agtaktakderkaminKadagiti ruanganmo, O Jerusalem.+
3 Naibangon ti Jerusalem kas maysa a siudadA naurnos a napagmaymaysa.+
4 Ditoy ti papanan dagiti tribu,Dagiti tribu ni Jah,*Maitunos iti pammalagip iti Israel,Tapno agyamanda iti nagan ni Jehova.+
5 Ta ditoy a naipuesto dagiti trono a pangukoman,+Dagiti trono iti sangakabbalayan ni David.+
6 Ikararagyo a maadda ti talna iti Jerusalem.+
Dagidiay mangay-ayat kenka, O siudad, saandanto a maan-ano.
7 Agtultuloy koma ti talna iti uneg dagiti natibker a padermo,Kanayon koma a natalged ti uneg dagiti natibker a torrem.
8 Maigapu kadagiti kakabsatko ken kakaduak, ibagak:
“Adda koma talna kenka.”
9 Maigapu iti balay ni Jehova a Diostayo,+Ikarkararagko ti pagsayaatam.
Footnotes
^ Ti “Jah” ket napaababa a porma ti nagan a Jehova.
