Salmo 129:1-8
-
Busbusorenda ngem saan a naabak
-
Maibabain dagiti manggurgura iti Sion (5)
-
Kanta Dagiti Sumangsang-at.
129 “Kanayon a busbusorendak sipud pay idi ubingak”+
—Ibaga koma itan ti Israel—
2 “Kanayon a busbusorendak sipud pay idi ubingak;+Ngem saandak a naabak.+
3 Dagiti agar-arado, inaradoda ti bukotko;+Inyatiddogda dagiti gulisda.”
4 Ngem nalinteg ni Jehova.+Pinugsapugsatna dagiti tali dagidiay managdakdakes.+
5 Amin a manggurgura iti SionKet maibabain ken agatrasto gapu iti bain.+
6 Kasladanto iti ruot kadagiti atep,A nagangon sakbay a maparut,
7 A kurang pay a petpetan ti aggapgapas,Wenno bagkaten dagiti agur-urnong iti nagapas.
8 Saanto nga ibaga dagiti lumabas:
“Bendisionannakayo koma ni Jehova;Bendisionandakayo iti nagan ni Jehova.”
