Salmo 142:1-7
Maskil.* Salmo ni David idi adda iti kueba.+ Kararag.
142 Umawagak ken Jehova tapno agpatulongak;+Umawagak ken Jehova tapno ipakaasik a paraburannak.
2 Iyebkasko kenkuana ti amin a pakadanagak;Ibagak kenkuana dagiti pakarigatak+
3 No maup-upayak.*
Bantayam ngarud ti dalanko.+
Iti dalan a pagnaak,Nangikabilda iti silo a diak makita.
4 Taliawem ti makannawan nga imak ket makitamNga awan ti mangisaksakit* kaniak.+
Awan ti pagkamangak;+Awan ti mangas-asikaso kaniak.*
5 O Jehova, umawagak kenka tapno agpatulongak.
Ibagak: “Sika ti pagkamangak,+Sika laeng ti kasapulak* bayat a sibibiagak.”
6 Ipangagmo ti panagpakaasik iti tulong,Ta naipababaak la unay.
Isalakannak kadagiti mangidaddadanes kaniak,+Ta napigpigsada ngem siak.
7 Iruarnak iti nakaipupokakTapno idaydayawko ti naganmo.
Palikmutandak koma dagiti nalinteg,Gapu ta nasayaat ti panangtratom kaniak.
Footnotes
^ Wenno “kumapkapsutak.”
^ Lit., “mangbigbigbig.”
^ Wenno “iti kararuak.”
^ Lit., “Ti bingayko.”