Salmo 28:1-9
-
Dinengngeg ti Dios ti kararag ti salmista
-
“Ni Jehova ti pigsak ken kalasagko” (7)
-
Salmo ni David.
28 Kanayon nga aw-awaganka, O Jehova, ti Dakkel a Bato a pagkamangak;+Pangngaasim ta denggennak.
No saanka a dumngeg kaniak,Agbalinak a kas kadagidiay bumabbaban iti abut.*+
2 Denggem ti panagpakaasik no agpatulongak kenka,Inton ingatok dagiti imak bayat a nakasangoak iti kaunegan a kuarto ti santuariom.+
3 Dinak iraman iti pannakadusa dagiti managdakdakes, dagidiay agar-aramid iti makapasakit,+Dagidiay agsasao a kasla gayyemda ti padada a tao idinto ta dakes ti adda iti pusoda.+
4 Balsem ida gapu kadagiti aramidda,+Sigun kadagiti dakes nga aramidda.
Supapakam ida gapu kadagiti gapuananda,Sigun kadagiti inaramidda.+
5 Ta dida ikankano dagiti aramid ni Jehova,+Wenno uray dagiti gapuanan ti imana.+
Dadaelennanto ken dinanto bendisionan ida.
6 Maidaydayaw koma ni Jehova,Ta nangngegna dagiti panagpakpakaasik iti tulongna.
7 Ni Jehova ti pigsak+ ken kalasagko;+Agtalek ti pusok kenkuana,+
Tinulongannak ket maragragsakan ti pusok,Isu nga ikantakto ti panangidaydayawko kenkuana.
8 Ni Jehova ti mangpapigsa kadagiti tattaona;Isu ket natalged a pagkamangan ken naindaklan a mangisalakan iti dinutokanna.+
9 Isalakanmo dagiti tattaom, ket bendisionam dagiti kukuam.+
Ipastoram ken ubbaem ida iti agnanayon.+
Footnotes
^ Wenno “tanem.”