Salmo 3:1-8
Kanta ni David idi itartarayanna ni Absalom nga anakna.+
3 O Jehova, apay nga immadu dagiti kabusorko?+
Apay a nakaad-adu ti gumurgura kaniak?+
2 Adu ti mangibagbaga maipapan kaniak:
“Saanto nga isalakan ti Dios.”+ (Selah)*
3 Ngem sika, O Jehova, ti kalasag iti aglawlawko,+Sika ti dayagko+ ken mangitangad iti ulok.+
4 Ipigsakto ti umawag ken Jehova,Ket sungbatannakto manipud iti nasantuan a bantayna.+ (Selah)
5 Agiddaak ken maturogakto;Ket agriingakto a diak naan-ano,Ta kanayon a tultulongannak ni Jehova.+
6 Saanko a kabuteng ti pinullo a ribuA dumarup kaniak iti intero nga aglawlawko.+
7 Tumakderka, O Jehova! Isalakannak,+ O Diosko!
Ta danogemto ti panga ti amin a kabusorko;Pusiemto ti ngipen dagiti managdakdakes.+
8 Sika ti mangisalakan, O Jehova.+
Ti bendisionmo ket adda kadagiti tattaom. (Selah)
