Salmo 39:1-13
Iti direktor; ti Jedutun.*+ Kanta ni David.
39 Kinunak: “Annadakto ti addangkoTapno saanak nga agbasol gapu iti dilak.+
Apputekto* ti ngiwatko,+No adda asinoman a managdakdakes iti ayanko.”
2 Saanak a nagsasao ken saanak a nagun-uni;+Nagulimekak uray no maipapan iti nasayaat,Ngem nakaro ti sakit a marikriknak.
3 Nalunag* ti pusok iti unegko.
Bayat a nagpampanunotak a naimbag,* sumsumgedak a kas apuy.
Kalpasanna, kinuna ti dilak:
4 “O Jehova, tulongannak a mangammo iti pagtungpalak,Ken no kasano kapaut dagiti al-aldawko,+Tapno maammuak no kasano kaababa ti biagko.*
5 Kinapudnona, pinagbalinmo nga ababa* laeng dagiti al-aldawko;+Ken kasla awan aniamanna kenka ti kapaut ti biagko.+
Uray no kasla natalged ti tunggal tao, kaslada laeng iti sang-aw.+ (Selah)
6 Sigurado a kasla anniniwan nga agpagnapagna ti maysa a tao.
Agbambannog* nga awan ti serserbina.
Agurnong iti kinabaknang, ngem dina ammo no asinonto ti agsagrap.+
7 O Jehova, ania ngarud ti namnamaek?
Sika ti kakaisuna a namnamak.
8 Isalakannak iti amin a pakarigatak.+
Dimo ipalubos a tagibassitennak ti maysa a maag.
9 Saanak a nagun-uni;Diak mainganga ti ngiwatko,+Gapu ta aramidmo daytoy.+
10 Ikkatem ti impagtengmo kaniak.
Kumapkapsutak gapu ta kinabilnak ta imam.
11 Tubngarem ti tao babaen ti panangdusam gapu iti biddutna;+Ibusem dagiti agkakapateg a sanikuana a kas iti aramiden ti maysa nga insekto.
Sigurado a ti tunggal tao ket kasla sang-aw laeng.+ (Selah)
12 Denggem ti kararagko, O Jehova,Imdengam ti panagpaarayatko.+
Kitaem koma dagiti agar-arubos a luluak.
Ta kenka, maysaak laeng a ganggannaet a residente,+Maysaak a lumablabas a biahero,* a kas iti amin nga ammak.+
13 Saan koma a nasakit ti panangkitam kaniak tapno rumagsakak,Sakbay man la a magsat ti angesko ken pumusayak.”
Footnotes
^ Wenno “Busalakto.”
^ Lit., “Bimmara.”
^ Wenno “nagsensennaayak.”
^ Wenno “a temporarioak laeng.”
^ Lit., “a dakdakulap.”
^ Lit., “Tumanagari.”
^ Wenno “makipagnanaed.”