Salmo 42:1-11
Iti direktor. Maskil* ti annak ni Kore.+
42 Kas iti ugsa a tartarigagayanna ti mapan iti waig,Kasta ti panangil-iliwko kenka, O Dios.
2 Kailiwko ti Dios, ti sibibiag a Dios, a kas iti pannakawawko iti danum.+
Kaanoak ngata a makapan ken agparang iti imatang ti Dios?+
3 Iti aldaw ken rabii, dagiti luak ti taraonko;Agmalmalem nga ilalais dagiti tattao: “Ayanna ngay ti Diosmo?”+
4 Maldaang ti kararuak* no malaglagipko ti napalabas,Ta nagadu idi ti kakuykuyogko a magmagna;Sipapasnek* nga idadauluak idi ti pannagna dagiti mapan iti balay ti Dios,Maragragsakan ken agyamyamanak,A kadua dagiti tattao a mangselselebrar iti piesta.+
5 Apay a malidlidayak?+
Apay a mariribukanak?
Urayek ti Dios,+Ta idaydayawkonto kas ti Naindaklan a Manangisalakan kaniak.+
6 Diosko, malidlidayak.+
Isu a nalagipka,+Manipud iti daga ti Jordan ken iti kabambantayan ti Hermon,Manipud iti Bantay Mizar.*
7 Agiinnayab dagiti adalem a dandanumIti daranudor dagiti dissuormo.
Linapunosdak ti amin a nagdadakkel a dalluyonmo.+
8 Iti aldaw, ipakita ni Jehova ti napudno nga ayatna,Ket iti rabii, agkantaakto maipapan kenkuana—maysa a kararag iti Dios ti biagko.+
9 Ibagakto iti Diosko, iti dakkel a bato a paglemmengak:
“Apay a linipatnak?+
Apay a masapul a magnaak a sililiday gapu iti panangirurumen ti kabusorko?”+
10 Lalaisendak dagiti kabusorko ta kagurguradak la unay;*Agmalmalem nga ilalaisda: “Ayanna ngay ti Diosmo?”+
11 Apay a malidlidayak?
Apay a mariribukanak?
Urayek ti Dios,+Ta idaydayawkonto kas ti Naindaklan a Manangisalakan kaniak ken Diosko.+
Footnotes
^ Wenno “Siiinayad.”
^ Wenno “ti bassit a bantay.”
^ Wenno mabalin nga, “a kas man la rumrumekenda dagiti tulangko.”
