Salmo 45:1-17
Iti direktor; naisurot iti tono “Dagiti Lirio.” Salmo ti annak ni Kore.+ Maskil.* Kanta ni ayat.
45 Adda nagsayaat a banag a mangtigtignay iti pusok.
Ibagak: “Ti kantak* ket maipapan iti maysa nga ari.”+
Agbalin koma ti dilak a pagsurat+ ti nalaing a parakopia.*+
2 Sika ti kaguapuan kadagiti annak ti tattao.
Nakasaysayaat dagiti sasao nga agtaud iti bibigmo.+
Isu a binendisionannaka ti Dios iti agnanayon.+
3 Ibarikesmo ti espadam,+ O mannakabalin,+Buyogen iti dayaw ken kinadayagmo.+
4 Ken gapu iti kinadayagmo, inka abaken dagiti kabusormo;*+Agsakayka maigapu iti kinapudno, kinapakumbaba, ken kinalinteg,+Ket aramiden* ta makannawan nga imam dagiti nakaskasdaaw a bambanag.
5 Natirad dagiti panam a pakatayan dagiti tattao iti sanguanam;+Sumalputda iti puso dagiti kabusor ti ari.+
6 Ti Dios ti tronom iti agnanayon nga awan inggana;+Ti setro ti pagariam ket setro ti kinalinteg.*+
7 Inayatmo ti kinalinteg,+ ket ginuram ti kinadakes.+
Isu a ti Dios a Diosmo binukbokanna ti ulom+ iti lana a namagbalin kenka a naragragsak+ ngem kadagiti kakaduam.
8 Amin a badom ket nabangbangluan iti mirra, kayo nga aloe, ken kasia;Manipud iti nadaeg a marfil a palasio, parparagsakendaka dagiti dekuerdas a pagtokar.
9 Ti annak a babbai dagiti ari ket karaman kadagiti padpadayawam a babbai.
Ti reyna iti makannawanmo ket naarkosan iti balitok ti Ofir.+
10 Denggem, O anak a babai, agimdengka ken iyasidegmo ta lapayagmo;Lipatem dagiti kailiam ken ti balay ni amam.
11 Maay-ayatan ti ari iti kinapintasmo,Ta isu ti apom,Isu nga agruknoyka kenkuana.
12 Ti anak a babai ti Tiro ket umay met mangted iti regalo;Kayat dagiti babaknang a tattao a magun-od ti pabormo.*
13 Nakapimpintas ti balasang ti ari iti uneg ti palasio;*Naarkosan* ti badona iti balitok.
14 Maipanto iti sanguanan ti ari a nakawesan iti nagpintas ti pannakaabelna a bado.*
Mayasideg met kenka dagiti birhen a kakaduana a sumursurot kenkuana.
15 Maipandanto a napakuyogan iti panagragsak;Sumrekdanto iti palasio ti ari.
16 Dagiti annakmo a lallaki ti mangsukatto kadagidi ammam.
Dutokamto ida kas piprinsipe iti intero a daga.+
17 Ipakaammokto ti naganmo iti amin a henerasion.+
Isu nga idaydayawdakanto dagiti tattao iti agnanayon nga awan inggana.
Footnotes
^ Lit., “Dagiti ar-aramidek.”
^ Wenno “eskriba.”
^ Lit., “isuro kenka.”
^ Wenno “agballigika.”
^ Wenno “kinahustisia.”
^ Lit., “paluknengen ti rupam.”
^ Lit., “uneg.”
^ Lit., “Nadekorasionan.”
^ Wenno mabalin a, “nabordaan a trahe.”
