Salmo 48:1-14
Kanta ti annak ni Kore.+
48 Naindaklan ni Jehova ken maikari unay a maidaydayawIti siudad ti Diostayo, iti nasantuan a bantayna.
2 Ti Bantay Sion iti adayo a paset ti amiananKet nagpintas ken nangato, a pagragsakan ti intero a daga,+Ti siudad ti Naindaklan nga Ari.+
3 Kadagiti natibker a torrena,Impakaammo ti Dios nga isu ket natalged a pagkamangan.+
4 Ta kitaenyo! Naguummong* dagiti ari;Immabanteda a sangsangkamaysa.
5 Idi makitada dayta, nagsiddaawda.
Nataranta ken nagtatarayda gapu iti butengda.
6 Awan naaramidanda gapu iti panagamakda,Madandanaganda a kas iti agpaspasikal nga ina.
7 Dinadaelmo dagiti barko ti Tarsis babaen ti angin iti daya.
8 Dagiti madamdamagmi idi ket makitkitamin a mismoIti siudad ni Jehova a panguluen dagiti armada, iti siudad ti Diostayo.
Sititibker nga ipasdekto dayta ti Dios iti agnanayon.+ (Selah)
9 Pampanunotenmi a naimbag ti napudno nga ayatmo, O Dios,+Iti uneg ti templom.
10 Kas iti naganmo, O Dios, agsaknap tiPannakaidaydayawmo iti intero a daga.+
Ti makannawan nga imam ket napno iti kinalinteg.+
11 Agragsak koma ti Bantay Sion,+Agrag-o koma dagiti ili* ti Juda, gapu kadagiti pangngeddengmo.+
12 Agmartsakayo iti aglawlaw ti Sion; likmutenyo dayta,Bilangenyo dagiti torrena.+
13 Mingminganyo dagiti natibker a paderna.+
Sukimatenyo dagiti natibker a torrena,Tapno maestoriayo dayta kadagiti sumaruno a henerasion.
14 Ta daytoy a Dios ti Diostayo+ iti agnanayon nga awan inggana.
Idalannatayo iti agnanayon a di pulos agpatingga.*+
Footnotes
^ Wenno “Nagtutulag nga agkikita.”
^ Lit., “annak a babbai.”
^ Wenno mabalin nga, “agingga a mataytayo.”
