Salmo 52:1-9
Iti direktor. Maskil.* Salmo ni David, idi immay ni Doeg nga Edomita tapno ibagana ken Saul a napan ni David iti balay ni Ahimelec.+
52 Apay a pagpangasmo dagiti dakes nga aramidmo, sika a nabileg a tao?+
Agmalmalem ti napudno nga ayat ti Dios.+
2 Kas iti labaha ti kinatadem ti dilam.+Mangallilaw ken mangpasakit.+
3 Kaykayatmo ti dakes ngem ti naimbag,Kaykayatmo ti agulbod ngem ti agsao iti pudno. (Selah)
4 Pagay-ayatmo ti mangpadpadakes,Sika a manangallilaw a dila!
5 Isu a mamimpinsan nga ipababanakanto ti Dios;+Rabsuten ken ipanawnakanto iti toldam;+Ikkatennakanto iti daga dagiti sibibiag.+ (Selah)
6 Makitanto dayta dagiti nalinteg ket masdaawda,+Isu a katawaanda isuna.+
7 “Kitaenyo ti tao a saan a nagkamang iti Diosna,+Ngem nagtalek iti adu a kinabaknangna,+Ken nagpannuray* kadagiti dakes a planona.”*
8 Ngem kaslaakto iti narangpaya a kayo nga olibo iti balay ti Dios;Agtalekak iti napudno nga ayat ti Dios+ iti agnanayon nga awan inggana.
9 Idaydayawkanto iti agnanayon gapu kadagiti inaramidmo;+Iti sanguanan dagiti napudno kenka,Manginanamaakto iti naganmo,+ ta naimbag dayta.