Salmo 6:1-10
Iti direktor; akompaniaran dagiti dekuerdas a pagtokar a naisurot iti tono ti Seminit.* Kanta ni David.
6 O Jehova, saanka koma nga agpungtot no tubngarennak,Ken saanka koma nga agunget no ilintegnak.+
2 Paraburannak,* O Jehova, ta agkakapsutakon.
Paimbagennak, O Jehova,+ ta agpigpigergeren dagiti tulangko.
3 Wen, napalalo ti pannakaburiborko,+Ket damagek kenka, O Jehova—kaanonto nga agpatingga ti rigatko?+
4 Agsublika, O Jehova, ket isalakannak;+Maigapu iti napudno nga ayatmo ispalennak.+
5 Ta saandaka a madakamat* dagiti natay;Iti Tanem,* adda aya mangidaydayaw kenka sadiay?+
6 Nabannogakon nga agsensennaay;+Agpatpatnag a maslep ti iddak* gapu iti panagarubos dagiti luak;Malaylayus ti pagturogak gapu iti panagsangsangitko.+
7 Kimmapsut dagiti matak iti kasasangitko;+Kimmudrep* ti panagkitak gapu iti amin a mangbusbusor kaniak.
8 Adaywandak, dakay amin a dakes a tattao,Ta denggento ni Jehova dagiti saibbekko.+
9 Denggento ni Jehova ti panagkiddawko iti parabur;+Sungbatanto ni Jehova ti kararagko.
10 Maibabain ken mapaayto ti amin a kabusorko;Agsanudda ket dagus a mabainandanto.+
Footnotes
^ Wenno “Kaasiannak.”
^ Wenno “malagip.”
^ Lit., “Aglanglangoy ti iddak.”
^ Wenno “Limmakay.”