Salmo 60:1-12
Iti direktor; naisurot iti tono “Ti Lirio ti Pammalagip.” Miktam.* Salmo ni David. Pangisuro. Idi nakigubat idiay Aram-naharaim ken Aram-Zoba, ken idi nagsubli ni Joab ket pinatayna ti 12,000 nga Edomita iti Tanap ti Asin.+
60 O Dios, inlaksidnakami; inabaknakami.+
Nakapungtotka kadakami; ngem ita, awatennakami koma manen!
2 Pinaggingginedmo ti daga; ket nagrengngat dayta.
Tarimaanem ta marmarsuoden.
3 Impalubosmo nga agrigat dagiti tattaom.
Pinainumnakami iti arak isu a nagibar-ibarkami.+
4 Ikkam* iti pagilasinan dagidiay agbuteng kenkaTapno makatalawda ken malisianda ti pana. (Selah)
5 Tapno maispal dagiti ipatpategmo,Isalakannakami babaen ti makannawan nga imam ket sungbatannakami.+
6 Gapu ta nasantuan* ti Dios, imbagana:
“Agrag-oakto, ipatawidkonto ti Sikem,+Ken rukodekto ti Tanap* ti Succot.+
7 Kukuak ti Gilead ken uray ti Manases,+Ket ti Efraim ti helmet* ti ulok;Ti Juda ti sarukod ti komanderko.+
8 Ti Moab ti palanggana a pagbugguak.+
Ipalladawkonto idiay Edom ti sandaliasko.+
Iriawkonto idiay Filistia ti panagballigi.”+
9 Asinonto ti tumulong kaniak a mangsakup iti nalakub* a siudad?
Asinonto ti mangiturong kaniak agingga idiay Edom?+
10 Saan aya a sika, O Dios, a nangilaksid kadakami,Ti Diosmi, a saanen a kumuykuyog kadagiti armadami?+
11 Tulongannakami iti rigatmi,Ta saan a mapangnamnamaan ti panangisalakan dagiti tattao.+
12 Ti Dios ti mangpabilegto kadatayo,+Ket parmekennanto dagiti kabusortayo.+
Footnotes
^ Wenno mabalin nga, “Inikkam.”
^ Wenno mabalin nga, “Iti nasantuan a lugar.”
^ Wenno “Kapatagan.”
^ Lit., “sarikedked.”
^ Wenno mabalin a, “napaderan.”
