Salmo 61:1-8
-
Ti Dios, maysa a natibker a torre a mangsalaknib manipud kadagiti kabusor
-
“Sangailinak iti toldam” (4)
-
Iti direktor; akompaniaran dagiti dekuerdas a pagtokar. Salmo ni David.
61 O Dios, denggem ti panagpaarayatko.
Ipangagmo ti kararagko.+
2 Iti adayo a paset ti daga, umawagakto kenkaInton malmalday* ti pusok.+
Ipannak iti rabaw ti dakkel a bato a nangatngato ngem siak.+
3 Ta sika ti pagkamangak,Maysa a natibker a torre a mangsalaknib kaniak iti kabusorko.+
4 Agnanayonto a sangailinak iti toldam;+Agkamangakto iti salinong dagiti payakmo.+ (Selah)
5 Ta nangngegmo dagiti karik, O Dios.
Inikkannak iti tawid a nairanta kadagidiay agbuteng iti naganmo.+
6 Paatiddogemto ti biag* ti ari,+Ket umadunto dagiti tawenna a kas iti kaadu dagiti henerasion.
7 Agnanayonto a nakatugaw* iti trono iti sanguanan ti Dios;+Ipakitam kenkuana ti* napudno nga ayat ken kinamatalekmo, tapno dagita ti mangsalaknib kenkuana.+
8 Ket agnanayonto nga agkantaak iti panangidaydayaw* iti naganmo,+Bayat nga inaldaw a tungtungpalek dagiti karik.+
Footnotes
^ Wenno “kumapsut.”
^ Lit., “al-aldaw.”
^ Wenno “nga agnaed.”
^ Wenno “Ikkam iti.”
^ Wenno “agputarak iti musika.”
