Salmo 66:1-20
Iti direktor. Kanta.
66 Agriawkayo a siraragsak ket idaydayawyo ti Dios, dakayo amin iti daga.+
2 Agkantakayo iti panangidaydayaw* iti naganna.
Idaydayawyo ken ipadayagyo.+
3 Ibagayo iti Dios: “Nakaskasdaaw dagiti aramidmo!+
Gapu iti dakkel a pannakabalinmo,Mabutbutengto nga umay kenka dagiti kabusormo.+
4 Agruknoyto kenka ti amin a tattao ditoy daga;+Agkantadanto iti panangidaydayaw kenka;Agkantadanto iti panangidaydayaw iti naganmo.”+ (Selah)
5 Umaykayo ket kitaenyo dagiti aramid ti Dios.
Nakaskasdaaw dagiti ar-aramidenna para kadagiti annak ti tattao.+
6 Pinagbalinna ti baybay a namaga a daga;+Nagnagnada a nangballasiw iti karayan.+
Sadiay a nagraragsakkami gapu kadagiti inaramidna.+
7 Isu ket agturay nga agnanayon+ babaen ti bilegna.
Kanayon a kitkitaenna dagiti nasion.+
Saan koma nga agpangas dagiti nasukir.+ (Selah)
8 Idaydayawyo ti Diostayo, dakayo a tattao,+Ket ipangngegyo ti panangidaydayawyo kenkuana.
9 Taginayonennatayo a sibibiag,+Dina ipalubos a maitibkol* dagiti sakatayo.+
10 Ta sinukimatnakami, O Dios;+Pinagbalinnakami a puro a kas iti pannakapasudi ti pirak.
11 Inserreknakami iti pagsilo nga iket;Nagdagsen ti impaawitmo kadakami.*
12 Pinalubosam ti tao a mangimameg kadakami;*Apuy ken danum ti naglasatanmi;Sa inyegnakami iti lugar a pakabang-aranmi.
13 Mangipanakto iti balaymo kadagiti sibubukel a daton a mapuoran;+Tungpalekto dagiti insapatak kenka+
14 Nga inkari ti bibigko+Ken insao ti ngiwatko idi marigrigatanak.
15 Mangidatonakto kenka iti nalulukmeg nga animal kas daton a mapuoran,Agraman asuk dagiti kalakian a karnero.
Agdatonakto kadagiti kalakian a baka ken kalding. (Selah)
16 Umaykayo ken dumngegkayo, dakayo amin nga agbuteng iti Dios,Ket ibagakto kadakayo dagiti inaramidna kaniak.*+
17 Immawagak kenkuanaKet indaydayawko.
18 No nagimulaak iti sakit ti nakem,Saannak koma a dinengngeg ni Jehova.+
19 Ngem talaga a dimngeg ti Dios;+Impangagna ti kararagko.+
20 Maidaydayaw koma ti Dios a nangipangag iti kararagko,Ken saanna nga impaidam ti napudno nga ayatna kaniak.
Footnotes
^ Wenno “Agputarkayo iti musika.”
^ Wenno “agibar-ibar; agdiwengdiweng.”
^ Lit., “iti patongmi.”
^ Lit., “iti ulomi.”
^ Wenno “iti kararuak.”
