Salmo 74:1-23
Maskil.* Salmo ni Asaf.+
74 O Dios, apay nga inlaksidnakami iti agnanayon?+
Apay a bumara* ti ungetmo iti arban nga ipaspastoram?+
2 Laglagipem dagiti tattao* a pinilim idi un-unana,+Ti tribu a sinubbotmo kas tawidmo.+
Laglagipem ti Bantay Sion a nagnaedam.+
3 Mapanka iti nadadael a lugar a saanen a natarimaan.+
Pinerdi ti kabusor ti amin a banag iti nasantuan a disso.+
4 Impukkaw dagiti kabusormo ti balligida iti lugar a pagtataripnongan para kenka.*+
Inkabilda sadiay dagiti wagaywayda kas senial.
5 Kasda la kadagiti lallaki nga agpukpukan iti kayo iti napuskol a kabakiran.
6 Nagusarda kadagiti wasay ken landok a nangdadael iti amin a kitikitna.+
7 Pinuoranda ti santuariom.+
Saanda a rinaem ti tabernakulo a pakaidaydayawan ti naganmo ken rinebbada dayta.
8 Kastoy ti pampanunotenda ken dagiti annakda:
“Amin a lugar iti daga a pagtataripnongan para iti Dios* ket masapul a mapuoran.”
9 Awanen dagiti senial a makitami,Awanen ti nabati a propeta,Ken awan ti makaammo kadakami no kaano nga agpatingga ti kasasaadmi.
10 O Dios, kasano kabayag a manguy-uyaw ti kalaban?+
Agnanayon kadi a lalaisen ti kabusor ti naganmo?+
11 Apay a saanmo nga usaren ta makannawan nga imam?+
Iruarmo dayta manipud iti barukongmo* ket pagpatinggaem ida.
12 Ngem ti Dios ti Arik sipud pay idi un-unana,Isalsalakanmo dagiti agserserbi kenka iti intero a daga.+
13 Binisngaymo ti baybay babaen ti bilegmo;+Rinumekmo ti ulo dagiti nagdadakkel a parsua iti baybay.
14 Binurakmo dagiti ulo ti Leviatan;*Impakanmo kadagiti tattao, kadagiti agnanaed iti desierto.
15 Pinagpussuakmo dagiti ubbog ken pinagayusmo dagiti waig;+Pinagmagam dagiti agay-ayus a karayan.+
16 Kukuam ti aldaw, kukuam met ti rabii.
Inaramidmo ti lawag* ken ti init.+
17 Impasdekmo ti amin a beddeng ti daga;+Inyegmo ti tiempo ti pudot ken tiempo ti lam-ek.+
18 Laglagipem dagiti pananguy-uyaw ti kabusor, O Jehova,Dimo liplipatan a saan a raraemen dagiti maag ti naganmo.+
19 Dimo iyawat ti biag* ti pagawmo kadagiti narungsot nga animal.
Agnanayon a dimo lipaten ti biag dagiti maparparigat a tattaom.
20 Laglagipem ti tulag,Ta dagiti nasipnget a lugar ditoy daga ket nagbalin nga umok dagiti naranggas.
21 Saan koma a mapaay daydiay mairurrurumen;+Ti naganmo ket idaydayaw koma dagiti marigrigat ken napanglaw.+
22 O Dios, agtignayka ket siguraduem a magun-odmo ti hustisia.
Dimo liplipatan nga agmalmalem nga um-umsiendaka dagiti maag.+
23 Dimo liplipatan ti ibagbaga dagiti bumusbusor kenka.
Dumanon idiay langit ti pigsa ti timek dagidiay kumonkontra kenka.
Footnotes
^ Lit., “nga umasuk.”
^ Lit., “ti asambleam.”
^ Wenno “iti lugarmo a paguummongan.”
^ Wenno “Amin a lugar a pagdaydayawan iti Dios.”
^ Wenno “kadagiti bulsa ti badom.”
^ Wenno “ti silaw.”
^ Wenno “kararua.”
