“Ti Dios . . . punasennanto ti amin a lua kadagiti matada, ket awanton ni patay, rigrigat, sangsangit, wenno ut-ot.”​—Apocalipsis 21:3, 4, Contemporary English Version.

Masiguradom a saan a ti Dios ti mangipapaay kadagiti problematayo.​—Santiago 1:13.

Maliwliwaka gapu ta ammom a naan-anay a maawatan ti Dios ti panagrigrigattayo.​—Zacarias 2:8.

Manamnamam nga agpatingganto ti amin a panagsagaba.​—Salmo 37:9-11.

Wen, gapu iti dua a rason:

• Kagura ti Dios ti panagrigrigat ken kinaawan hustisia. Ania ti narikna ni Jehova a Dios idi naparparigat dagiti agserserbi kenkuana idi tiempo ti Biblia? Kuna ti Biblia a nagladingit ti Dios gapu kadagidiay “mangmalmaltrato kadakuada.”​—Uk-ukom 2:18, Baro a Lubong a Patarus.

  Kagurgura ti Dios dagidiay mangdangran iti padada a tao. Kas pagarigan, kuna ti Biblia a makarimon kenkuana dagiti “ima nga agibukbok iti dara ti inosente a tao.”​—Proverbio 6:16, 17.

• Maseknan ti Dios iti tunggal maysa kadatayo. Saan laeng a ti tunggal tao ti makaammo iti “bukodna a rigat ken panagsagaba,” ammo met ni Jehova!​—2 Cronicas 6:29, 30.

  Asidegen a pagpatinggaen ni Jehova ti panagrigrigattayo babaen ti Pagarianna. (Mateo 6:9, 10) Kabayatanna, sidudungngo a liwliwaenna dagidiay sipapasnek a mangsapsapul kenkuana.—Aramid 17:27; 2 Corinto 1:3, 4.