“Ẹmhọn rebhe ne ribhi ẹkẹ Ebenọnkhiale, ahu ẹlinmhin nọn khiale nọnsi Osẹnobulua a rẹ gbẹn ọlẹn.”​—2 Timothy 3:​16, New World Translation.

Uwẹ dẹ sabọ miẹn ewanniẹn nọn ha mun uwẹ ẹlo kore, rẹji inọnta kpataki bhi ẹmhọn iẹnlẹn.​—Proverbs 2:​1-5.

Uwẹ dẹ miẹn adia nin uwẹ ha sabọ mun udu tẹ rẹ ha nyẹnlẹn ukpẹdẹ-ukpẹdẹ.​—Psalm 119:105.

Uwẹ ki ha mhọn ikuaẹloghe ọsaje rẹji ẹghe odalo.​—Romans 15:4.

Ehe, ranmhude ene emhin ea nan:

• Baibo wo diẹn kugbe. Ebe gbera ikpe 1,600, ọle ẹbho ne bun sẹbhi 40 rẹ gbẹn iBaibo. Ene bunbun bhi ẹwẹ ene gbẹn iBaibo bha lẹn egbe ele. Ọrẹyiriọ, ọta ne ribhi Baibo rebhe wo diẹn kugbe. Uhọnmhunje ọkpa ebi ele rebhe gbẹn tẹmhọnlẹn.

• Ene gbẹn ọlẹn wo ta ẹmhọanta. Ahamiẹn ene gbẹn okha, gbẹn okha nọnsele, la ọsi ẹbho nọnsele, ele ki gbe gue emhin ne sunu bhi ẹghe nan rẹ khọn agbaẹbho nọnsele miotọ. Ọkpakinọn, ene gbẹn iBaibo bha lu iriọ. Ele da gbẹn ọbhi otọ, eji ele bi agbaẹbho nọnsele da dobọ.​—2 Chronicles 36:​15, 16; Psalm 51:​1-4.

• Ọta akhasẹ ne ribhọ wo munsẹ. Ikpe 200 ọkuẹsẹ a dunmhun iBabylon an, Baibo da ka tale ọbhi otọ ebi ọ ha rẹ sunu yẹ. (Isaiah 13:​17-22) Ọ iyi ebi a ha rẹ dunmhun iBabylon an yẹ ọkpa iBaibo tẹmhọnlẹn, ọ da sẹyẹ ta elin ọnọn ha dunmhun ọlẹn an.​—Isaiah 45:​1-3.

  Ọta akhasẹ kẹkẹ yẹ ribhi Baibo ne wo munsẹ. Ọnan bha han mhan ilo, ranmhude, iriọ ọkhẹke nin Ọta nọnsi Osẹnobulua dia.​—2 Peter 1:21.