“Ọria ọbe re ọne agbọn nan khian.”​—1 John 5:19.

“Ọmọn nọnsi Osẹnobulua da zegbere . . . nin ọle rẹ gbe iwẹnna nesi Ojuu khuelo.”​—1 John 3:8.

Ọnan dẹ rẹkpa uwẹ rẹ lẹn ebezẹle nin ọnọghọ da vuọn ọne agbọn nan.​—Revelation 12:12.

Ọnan dẹ re uwẹ rẹọbhọ ghe, ọne agbọn nan dẹ fidenọ ha mhẹn.​—1 John 2:17.

Ehe, ranmhude ene emhin ea nan:

• Ugbẹloghe nọnsi Esu iyẹ da ha ribhọ. Jehova wo muegbe nin ọle rẹ dọ re ọkpẹnlẹn ọbhi ugbẹloghe nọnsi Esu. Ọle vele ghe, ọle dẹ gbe Esu khuelo, yẹ hẹnhẹn emhin rebhe nin Esu ria a. ​—Hebrews 2:14.

• Jehova zẹ iJesu nin ọle ha yi ọnọn ha gbẹloghe ọne agbọn nan. Jesu wo dikẹ bhi ẹbho ne gbẹloghe bhi ọne agbọn nan, nin eku bi ugbele wo vọun ele obọ. Rẹji ugbẹloghe nọnsi Jesu, Osẹnobulua da yọle: “Ọle dẹ mhọn itohan da ene ibhioguele bi ene bha miẹn rẹ lu . . . Ọle dẹ miẹn ele fan bhi obọ ene denyẹnyẹn ele, bi ene ne ele khọnlẹn.”​—Psalm 72:​13, 14.

• Osẹnobulua ibha ohoghe. Baibo yọle: “Osẹnobulua ida sabọ bha ohoghe.” (Hebrews 6:18) Jehova ha ve ive ghe ole dẹ lu emhin, ọle dẹ wo mun ọlẹn sẹ. (Isaiah 55:​10, 11) “A dẹ khu ọnọn re ọne agbọn nan khian fia.”​—John 12:31.