“Osẹnobulua . . . dẹ gbo amẹn eviẹ rebhe si ele bhi ẹlo re. Uu ida yẹ ha ribhọ, la akhiẹ, la ukpuru eviẹ, la ọbalọ.”​—Revelation 21:​3, 4.

Uwẹ ki ha mhọnlẹn bhi ọkhọle ghe, ọ iyi Osẹnobulua si iloya nọnsẹmhan.​—James 1:13.

Uwẹ ki ha mhọn ikoudure, ranmhude uwẹ lẹn ghe, ọ ba Osẹnobulua bhi egbe sade uwẹ loya.​—Zechariah 2:8.

Uwẹ ki ha mhọn ọne ikhuaẹloghe ghe, iloya rebhe dẹ fomhin.​—Psalm 37:​9-11.

Ehe, ranmhude ene emhin eva nan:

• Iloya bi emhin-ebe iyẹẹ Osẹnobulua.

  Ria ẹmhọn ebi ọ dia Osẹnobulua nin Jehova bhi egbe yẹ, ẹghe nan rẹ ha re oya nin ẹbho nesọle bhi ẹghe ẹdẹlẹ. Baibo yọle ghe, ẹghe nan rẹ ha re oya nin ẹbho nesi Osẹnobulua, ọ da manman ha ba ọle bhi egbe.​—Judges 2:18.

  Ọ manman ba Osẹnobulua bhi egbe rẹ daghe ẹbho si iloya ji ibo ele. Bhi ọsi ijiẹmhin, Baibo yọle ghe, Osẹnobulua manman he eria ne gbe ugbele.​—Proverbs 6:​16, 17.

• Ẹmhọn ọdeọde bhi ẹwẹ mhan rẹtẹ Osẹnobulua. Ọdeọde bhi ẹwẹ mhan lẹn oya bi ọbalọ nin ọle ye. Jehova bhọ yẹ lẹn oya bi ọbalọ nin ọdeọde ye.​—2 Chronicles 6:​29, 30.

  Jehova dẹ kẹ re Agbejele nọnsọle rẹ re ọkpẹnlẹn ọbhi iloya ọsi ọdeọde. (Matthew 6:​9, 10) Ọkuẹsẹ ẹghenin, Jehova re ẹkẹ-ẹjẹjẹ rẹ re ikoudure nin ene re ẹkẹ-ata guanọ ọlẹn.​—Acts 17:27; 2 Corinthians 1:​3, 4.