AWAKE! Ọrọ 2 2019 | Eware Ezeza nọ U Fo nọ Emọ A re Wuhrẹ
Eware Ezeza nọ U Fo nọ Emọ A re Wuhrẹ
Oghẹrẹ vẹ whọ gwọlọ nọ a rẹ riẹ ọmọ ra nọ ọ tẹ kpako no?
Ohwo nọ o wo oma-onyẹ
Ohwo nọ o wo omaurokpotọ
Ohwo nọ ọ rẹ sai ru oware ghelọ ebẹbẹ
Ohwo nọ o re ru oware kpatiẹ
Ohwo nọ o wo areghẹ ziezi
Ohwo nọ ọ rẹ ta uzẹme
Emọ ọvo a rẹ sai wo iruemu nana kẹ omarai hi. A gwọlọ obufihọ ra.
Ma te jọ emagazini nana ta kpahe eware ezeza jọ nọ i wuzou gaga nọ whọ rẹ sai wuhrẹ emọ ra. Eware nana e rẹ sai fiobọhọ kẹ ae ruẹrẹ oma kpahe kẹ eware nọ a te rẹriẹ ovao dhe nọ a tẹ kpako no.
Irere nọ I re Te Ohwo nọ O Wo Oma-Onyẹ
Fikieme oma-onyẹ u ro wuzou? Kọ ẹvẹ ma sai ro woi?
Epanọ A Sai ro Wo Omaurokpotọ
Nọ who te wuhrẹ ọmọ ra epanọ a re dhesẹ omaurokpotọ, o ti fiobọhọ kẹe enẹna gbe okenọ ọ tẹ kpako.
Epanọ A Sai ro Ru Oware Ghelọ Ebẹbẹ
Emọ nọ i wuhrẹ epanọ a re ru oware ghelọ ebẹbẹ, ae a rẹ mae riẹ epanọ a re ro ku ebẹbẹ họ kẹ omarai evaọ uzuazọ.
Epanọ A Sae rọ Riẹ Oware Ru
Oke vẹ u fo nọ ohwo o re ro wuhrẹ epanọ ọ rẹ riẹ oware ru, oke nọ ọ gbẹ maha na manikọ oke nọ ọ tẹ kpako no?
Oware nọ U ro Wuzou re Ọkpako Ọ Kpọ Ọmọ Họ
Emọ a gwọlọ ohwo nọ a rẹ sai fievahọ nọ ọ rẹ kpọ ae họ evaọ uzuazọ. Rekọ ono a rẹ nyabru re ọ kpọ ae họ?
Oware nọ U ro Wuzou re A Riẹ Oware nọ U Woma gbe Onọ U Woma Ha
Nọ who te wuhrẹ emọ ra re a riẹ oware nọ u woma gbe onọ u woma ha, u re fiobọhọ kẹ ae jọ emamọ ahwo nọ a tẹ kpako no.
Eware Efa nọ E rẹ Sai Fiobọhọ kẹ Esẹgbini
Esẹgbini a gwọlọ ehrẹ nọ a rẹ sai fievahọ nọ e rẹ kpọ ae evaọ uzuazọ re. Re who gbe wuhrẹ eware efa kpahe onana, kpohọ jw.org.