Ẹdhọ yọ omama ẹzi, onana u dhesẹ nọ o wo ugboma nọ ma rẹ ruẹ hẹ.—Ahwo Ẹfisọs 6:11, 12.

 A be hae drọ Ẹdhọ evaọ iwoho buobu wọhọ ẹwe nọ o wo izei avọ uweli, yọ o kru efọko othethei jọ họ obọ. Ahwo jọ a ta nọ ahwo nọ a rẹ drọ eware nọ a rria evaọ oware wọhọ ikpe odu ọvo (1,000) nọ i kpemu a kake drọ Ẹdhọ oghẹrẹ utioye, yọ iku esia oke anwae i ru nọ a rọ drọ riẹ ere na.

•  Oghẹrẹ vẹ Ebaibol na o dhesẹ Ẹdhọ?

•  Eria Ebaibol nọ e ta kpahe Ẹdhọ

 Ebaibol na ọ rọ eware sa-sa ro dhesẹ Ẹdhọ. Onana u re fiobọhọ kẹ omai riẹ oghẹrẹ uruemu nọ Ẹdhọ o wo orọnikọ oghẹrẹ nọ ọ rrọ evaọ ugboma ha. Eware jọ nọ Ebaibol na o ro dhesẹ Ẹdhọ họ:

•   Ukọ-odhiwu elo. Onana u dhesẹ nọ Ẹdhọ ọ rẹ faki ru wọhọ ẹsenọ o bi ru wuhrẹ ahwo emamọ eware re ọ sai ru ahwo rọwo iwuhrẹ na, viukpọ iwuhrẹ Ọghẹnẹ.—2 Ahwo Kọrint 11:14.

•   Okpohrokpo nọ o bi do enu. Onọ u dhesẹ nọ ọ rẹ wọso ahwo nọ a be gọ Ọghẹnẹ avọ ofu.—1 Pita 5:8.

•   Araomuomu idudu ologbo. Ẹdhọ o re muozọ, o wo ogaga, yọ ọ rẹ wha ọraha ze.—Eviavia 12:9.