“Wen mi sad bad an fiil laik mi no wot notn, Jeuova yuuz di sang dem we kom pan JW Broadcasting^® fi elp mi fi fiil beta.”​—Lorraine, Merika.

Di Kristiyan dem aalwiez sing sang fi priez Gad. (Kol. 3:16) Ef yu lorn fi sing dem sang ya outa yu ed, dis a-go kyan elp yu iivn ef yu no av no sangbuk ar no fuon an tablit an dem ting de. Chrai fi du dem sitn ya we a-go elp yu fi memba dem sang ya outa yu ed.

• Tek taim an riid di wod dem so das yu kyan get fi andastan wa dem miin. Wen yu andastan wa di wod dem miin, it wi mek it iiziya fi yu memba di sang dem. Yu kyan fain di wod dem fi aal a wi sang dem, laik di nyuu sang dem an di wan dem fi di pikni dem, pan jw.org. Jos go pan di paat we niem Laibri an den go tu Myuuzik.

• Rait out di wod dem fi di sang dem. Wen yu du dis, it a-go elp yu fi memba di wod dem fi di sang dem beta.​—Dyuu. 17:18.

• Lisn tu yuself a sing di sang dem. Riid ar sing di sang dem uova an uova agen.

• Si ef yu memba di sang dem outa yu ed. Chrai fi sing di sang dem an no luk pan di wod dem wen yu a sing it. An den chek fi si ef yu riili memba di sang.