“Dánayaa Ndios ndírnoo̱ ña̱yuu na̱. Ta o̱ ku̱ú ka̱ na̱, ta ni o̱ kúndaꞌí ka̱ ini na̱, ta o̱ kuáki ka̱ na̱, ta o̱ ndóꞌo ka̱ nío̱ ná, dá chi̱ ndidaá ña̱ꞌa sa̱ ndoꞌo na tá sata̱ ni̱ ke̱xoo vaan” (Apocalipsis 21:​3, 4, Tuti yóʼo kúú to̱ʼon Ndios, ta xíʼo ña kuendá saʼa̱ Jesús).

Va̱ʼa kuaʼa̱ chúun keeyó ta kujii̱ iniyó kuchúunyó (Isaías 65:​21-​23).

Ta o̱ndóʼoka̱ iniyó ta ni o̱kíʼvi̱ka̱yó (Isaías 25:8; 33:​24).

Kujii̱ iniyó kandoyiyó ndijaá táʼa̱n kivi̱ xíʼín na̱veʼeyó ta xíʼín na̱ netáʼan va̱ʼa xíʼínyó (Salmo 37:​11, 29).

Kuuvá kandísayó, ná kande̱ʼéyó ivi̱ ña̱ naʼa̱ ña̱ jaá kían:

• Ndio̱s ió ndee̱na ña̱ kuuvá keena ña̱ ni̱ka̱ʼa̱nna keena. Nuu̱ Tu̱ʼun Ndio̱s káchi ña̱ iin túʼún Ndio̱s kúú “na̱ kándéé kée ndidaá táꞌa̱n ña̱ꞌa”, jáchi̱ ió ndiʼi ndee̱ nuu̱ Ndio̱s (Apocalipsis 15:3). Ña̱káa tá káʼa̱n Ndio̱s keena ña̱ ná nája̱ma ñuyíví yóʼo jaá ná koo va̱ʼaka̱víña, kee ta keenaña jáchi̱ ndiʼi ña̱ káʼa̱nna kéenaña. Tátu̱ʼun káchi Tu̱ʼunna, “ndidaá táꞌa̱n va ña̱ꞌa kándéé Ndios kee na” (Mateo 19:​26).

• Kuu ini Ndio̱s keena ña̱ ni̱ka̱ʼa̱nna. Tátu̱ʼun, na̱yivi na̱ ni̱xiʼi̱, káchi Tu̱ʼun Ndio̱s ña̱ kúu kíivá ini Jeová Ndio̱s jánátakuna na̱ ni̱xiʼi̱ (Job 14:​14, 15).

  Janí káʼa̱n Tu̱ʼun Ndio̱s ña̱ Jesús, De̱ʼe Ndio̱s, ni̱ja̱nduva̱ʼana na̱ kíʼvi̱. Ta, ¿ndiva̱ʼa ni̱keenaña? Ni̱keenaña jáchi̱ ña̱káa kúúvá ña̱ ni̱kuni̱ miína (Marcos 1:​40, 41). Ña̱ ni̱kee Jesús ña̱yóʼo ni̱naʼa̱ña, ña̱ Tatána kuu inina chindeéna na̱yivi na̱ xiniñúʼún ña̱ ná chindeéñana (Juan 5:​19).

  Ña̱káa kuu kandeé iniyó ña̱ Jeová Ndio̱s xíʼín Jesús kúni̱na ña̱ chááka̱ chínuu̱ ná kandoyi ñúchíyó (Salmo 72:​12-​14; 145:​16; 2 Pedro 3:9).