¿ÑA NDA̱A̱ siaʼa ntse ña? Kia siaʼa íin ña ndusia ntsi vaʼa ña ntsiʼí ña yivi ndaka tuʼún na̱ miina̱. Kuvi ña mii taʼa ñi e nda katuʼún ñi mii ñi:

• ¿A ndu ntsi chi íñi Ndióxi̱ siaʼa miio?

• ¿A siaá íin kivi ña ntsiʼí siaʼa na̱ siaʼñi taʼan tsa endoʼo va íñi yo̱?

• ¿Ntse kuaʼan yo̱ ta síʼí yo̱?

• ¿A iya íin ña vaʼa ña ntsatu na ntsií?

• ¿Ñixi kaka taʼvi yo̱ nuú Ndióxi̱ tava na tsasoʼo ra̱ miio?

• ¿Ñixi kuvi ko̱o̱ sií íñi yo̱?

¿Ntse kaʼan mii ñi ña ntsikoñiʼi a ña ndaka tuʼún yo̱ miio? Tu mii ñi ndakatuʼún ñi sava ga na̱ yivi. Sin sin va ka̱ʼa̱ na̱. Inka na siaʼana tu ndeé íñi nuú yo̱ so tuʼún ña ka̱ʼa̱ na̱ chaá va tsa yaʼa ña.

Iya íin tutu nuú nda ntsikoñiʼi a ntsiʼí ña ndaka tuʼún yo̱ miio vaʼa ntsivaʼa ña tsa chindeé a miio kundaá íñi yo̱ ña nda̱a̱. Jesucristo ñi kachi ra̱ ta ñi sika taʼvi ra̱ nuú Ndióxi̱: Ña tuʼún mii Ndióxi̱ kuu ña “nda̱a̱” (Juan 17:17). Kivi vitsi ndakuni yo̱ tuʼún kan tatún tutu yii. Tutu yii ka̱ʼa̱ ña ña nda̱a̱ siaʼa ña ndakatuʼún yo̱ miio tsa yoʼo vasi chaá ña.

¿NO VAʼA NDAKATUʼÚN YO̱ ÑA YOʼO?: Ñi yivi nuú ndoo yo̱ iya kuaʼa tsivaʼa ña kiñi si tundoʼo. Kuaʼa ntsivaʼa ña yivi na sanaʼa siaʼa tuʼún Ndióxi̱ kachi na̱ ña kuachi Ndióxi̱ ndoʼo íñi yo̱.

ÑA KU ÑA SANAʼA TUTU YII: Ndióxi̱ vaʼa ntsivaʼa íñi ra̱ tsa esayaá ra̱ ña na ndoʼo íñi yo̱. Job 34:10 kachi: “¡Ko̱ó nákani ini míí vá Ndióxi̱ kée sí ña̱ kini, tá ta̱ kúu kée ndijaá táʼa̱n ña̱ʼa kée sí ña̱ ko̱va̱ʼa!”. Ndióxi̱ kúñi ntsivaʼa ra̱ miio ñakan saʼa ra̱ íin ña vaʼa ntsivaʼa ña kuku ntsiʼí yo̱, ñakan Jesús esanaʼa ra̱. Ña tana kaka taʼvi yo̱ nuú Ndióxi̱ na ka̱ʼa̱ yo̱ saá: “Tátá Ndióxi̱, ña íin indiví [...] ta na ko̱o̱ ta ín kúni me [ún] ñuyivi yoʼo ta kiaʼa va íin ndiví kajando” (Mateo 6:9, 10). Ña nda̱a̱ ku ña Ndióxi̱ ndu tsichi íñi ra̱ siaʼa yo̱ ñakan ñi esiaʼa ra̱ seʼe ra̱ tava na ko̱o̱ ña mii Ndióxi̱ kúñi ra̱ (Juan 3:16).

Na kundeʼe taʼan yo̱ Génesis 1:26-28; Santiago 1:13, si 1 Pedro 5:6, 7.

¿NO VAʼA NDAKATUʼÚN YO̱ ÑA YOʼO?: Ta siaʼñi taʼa na̱ siʼi ntsi vaʼa na yivi. Ntsiʼi yo̱ ndoʼo íñi yo̱ tu suú íin kia inkaña so iyaña.

ÑA KU ÑA SANAʼA TUTU YII: Siaá íin kivi ña vivii ko̱o̱ nuú ñúʼú ntseʼei. Ta na ko̱o̱ gobierno a reino. Ña indakaa antsivi ña yivi “esiaʼñi taʼava na̱” tsa “ntsiʼi ña xin ña sichuún na̱ ndu a yata tu situ na̱” (Isaías 2:4). Ndióxi̱ sanaá ra̱ tundoʼo ña ndoʼo íin ta íin miio. Siaʼa miio tutu yii ka̱ʼa̱ ña saá: “Ta mé á yakó ndiʼi a tikuií nuú na ñá saku na̱. Ta a kivi ga na̱. Ta ni a kuaku ga na̱. Ta ni a taʼnda ga íini na. Ta ni a ndiʼiʼvi ga na̱. Jachi sa najandiʼi Ndióxi̱ saʼa tókó ndiʼi ña kán, ña nasaʼiin jiʼna kachi a (Apocalipsis 21:3, 4).

Na kundeʼe taʼan yo̱ Salmo 37:10, 11; 46:9, si Miqueas 4:1-4.

¿NO VAʼA NDAKATUʼÚN YO̱ ÑA YOʼO?: Kuaʼa ntsivaʼa na̱ sanaʼa siaʼa Ndióxi̱ kachi na̱ ña ta síʼí yo̱ iya íin ña tsaku íñi yo̱ iya na kachi ña na ntsií sayuʼu na̱ miio, kachi taʼa na̱ ña na yivi na saʼa ña kiñi Ndióxi̱ saʼa ra̱ ña na ndoʼo íñi na̱ nuú antsayá.

ÑA KU ÑA SANAʼA TUTU YII: Ña ta síʼí yo̱ ntsiʼí siaʼa yo̱ inteé va. Eclesiastés 9: 5 kachi saá “na ntsií koo ga̱ ña siñi ná”. Ñikoó ña saʼa na̱, ñi koó ña siñi na̱, ñi kuvi saʼa na̱ ñi íin ñaʼa ña kan kuña e kuvi sandoʼo na̱ miio ñi ekuvi chindeé na̱ miio (Salmo 146:3, 4).

Na kundeʼe taʼan yo̱ Génesis 3:19 si Eclesiastés 9:6, 10.

¿NO VAʼA NDAKATUʼÚN YO̱ ÑA YOʼO?: Ntsiʼí yo̱ kúñi yo̱ kundoó vaʼa yo̱ si na̱ yivi na kúñi yo̱. Ntsiʼí yo̱ kúú íñi yo̱ kundeʼe tuku yo̱ na taʼa yo̱ na sia esíʼí.

ÑA KU ÑA SANAʼA TUTU YII: Kuaʼa ntsivaʼa na yivi na sia esíʼí nda tsaku tuku na. Jesucristo ñi kachi ra̱ ña “tá kuni joʼo tókó ndiʼi na sa naxiʼi nuú ka̱ʼa̱n i xiʼin na já keta na [na ndoó nuú ñaña]” (Juan 5: 28, 29). Na yivi na ndatsaku kundoó na̱ nuú ñúʼú ntseʼei tsa kundeʼe na̱ ña ndu nuchi ntsivaʼa ña, tatun ñi kúñi Ndióxi̱ ta ñi kisiaá siaʼa ñi yivi yoʼo. Chaá ñi chi nuú, ña yivi na tsasoʼo Ndióxi̱ ku tsaku na tsa ko̱o̱ vaʼa ntsivaʼa na tsa ñi e ko̱o̱ va kueʼe nuú na̱ kundoó na̱ ntsini kutu tiempo. Tutu yii kachi: “Na yivi na tsasoʼo ña ka̱ʼa̱n Ndióxi̱ ko̱o̱ na̱ nuú ñúʼú ntseʼei, ntsi saá tiempo” (Salmo 37:29).

Na kundeʼe taʼan yo̱ Job 14:14, 15; Lucas 7:11-17, si Hechos 24:15.

¿NO VAʼA NDAKATUʼÚN YO̱ ÑA YOʼO?: Na yivi na̱ kachi ña nda kaʼan Ndióxi̱, sika taʼvi na̱ nuú ra̱, so kuaʼa na̱ kaʼan na̱ ña Ndióxi̱ koó ntsikoñiʼi ra̱ ña sika na̱ nuú ra̱.

ÑA KU ÑA SANAʼA TUTU YII: Jesus ñi kachi ra̱ saá: “Ta tá xika taʼvi ndo nuú Ndióxi̱ a ka̱ʼa̱ tuku tuku ndó mé tuʼún ña koó saʼa” (Mateo 6:7). Tu kúñi yo̱ ña Ndióxi̱ na tsasoʼo ra̱ miio Si ñiñuʼa kaka taʼvi yo̱ tatún mii ra̱ kúñi ra̱. Ñakan na kutuʼúva yo̱ ña kúñi mii ra̱. Kaka taʼvi yo̱ nuú ra̱ tatún kúñi ra̱. “Ta koó yíʼví toʼo í xíka í nu mé á ín ñaʼa, ña kúni a kiaʼva nu yo̱ jachi kandaa kaxi iní ña xíni joʼo a nu ka̱ʼa̱n yo̱”, saá kachi nuú 1 Juan 5:14.

Na kundeʼe taʼan yo̱ Salmo 65:2; Juan 14:6, 14, si 1 Juan 3:22.

¿NO VAʼA NDAKATUʼÚN YO̱ ÑA YOʼO?: Ta kumi na̱ xuʼun kuna̱ na ndusia ntsivaʼa, kúñi na̱ kuku na̱ na ndusia ntsivaʼa nuú ñi yivi yoʼo, kaʼan na̱ ña saá ko̱o̱ vaʼa na̱, tsa kuaʼa ntsivaʼa na̱ yivi kuʼan na̱ sata ñaʼa yoʼo, so koó ndoó vaʼa na.

ÑA KU ÑA SANAʼA TUTU YII: Jesus ñi sanaʼa ra̱ ñixi kuvi ko̱o̱ sií íñi yo̱ ñi e kachi ra̱ saá: “Taʼvi na kuu ña yivi tá ndikuni na̱ xini ñúʼú na̱ ña chindeé Ndióxi̱ na̱ jachina kán kúú na kakomi Ndióxi̱ kuéntá saʼa” (Mateo 5:3). Kuvi ko̱o̱ sií íñi yo̱ ku ntsikun yo̱ ña ka̱ʼa̱ tutu yií ña na kúñi yo̱ kundaá íñi yo̱ ña ndaá siaʼa Ndióxi̱ tsa ñixí kúñi ra̱ ña na kundoó yo̱. Ña yoʼo nda ñiʼi yo̱ ña nuú tutu yii tsa ña na kaʼvi yo̱ ña chindeé a miio ku ndaá íñi yo̱ ntse ña ku ña nda nda̱a̱ ndusia. Tu saʼa yo̱ tatún kachi tutu yii vaʼa kundoó yo̱ (Lucas 11: 28).

Na kundeʼe taʼan yo̱ Proverbios 3:5, 6, 13-18 si 1 Timoteo 6:9, 10.

 Sia esiñi yo̱ ña kachi tutu yii siaʼa iñu ñaʼa ña ndakatuʼún yo̱ miio vitsi vitsi esiñi yo̱ ña so. ¿A kúñi ñi kundaá íñi ñi chaá vi? A kúñi ñi kunda kaá ñi tsein na “ña yivi tá ndikuni na̱ xini ñúʼú na̱ ña chindeé Ndióxi̱ na̱”, a kúñi ñi kundaá íñi ñi chaá vi. Vaʼa ñi ndakatuʼún ñi mii ñi ña tu Ndióxi̱ ndu ntsichi íñi ra̱ siaʼa yo̱, no vaʼa ndoʼo na ná íñi yo̱. A kúñi ñi kundaá íñi ñi ña kia saʼa ñi tava na ko̱o̱ vaʼa ñi si na veʼe ñi. Tutu yii ka̱ʼa̱ ña siaʼa ña yoʼo si siaʼa chaá vi ñaʼa ña nda katuʼún yo̱ miio. Kuaʼa ntsivaʼa na yivi koó kutoó na̱ kaʼvi na̱ ña.

Kachi na̱ ña ntsichí ntsivaʼa ña tsa koó kundaá íñi na̱ ñá kachi a. ¿A kuñi ñi ña na chindeé na mii íñi kundaá íñi ñi ña ka̱ʼa̱ tutu yii? Ñakan na testigo mii Jeová kumi na̱ uvi ñaʼa ña kuvi chindeé a mii ñi.

Xiʼna ñúʼú kia íin tutu ña nañi a Tu̱ʼun va̱ʼa ña̱ káʼa̱n Ndio̱s xíʼín yó, tutu yoʼo chindeé a na kúñi kundaá íñi ña kachi tutu yii siaʼa ña ndaka tuʼún yo̱ miio. Inkaña kia ña sanaʼa na̱ nuú ñi, siaá na̱ ntsa veʼe ñi tsa ñi ekiʼin yaʼvi na̱, íin na testigo mii Jeová siaá na̱ veʼe ñi a ntse kúñi mii va ñi, tava semana ta semana sakuaʼa na̱ siʼi ñi. Ña yoʼo chindeé a kuaʼa ntsivaʼa na yivi tsa kuaʼa na̱ kusií íñi na̱ ña ndañiʼi na ña nda̱a̱.

Tu sakuaʼa ñi tuʼún Ndióxi̱ kundaá íñi ñi ña ña ndusiá ntsivaʼa kia, koó inka tutu ña ka̱ʼa̱ tatún ña yoʼo. Esuú mi tuʼún sakakuia miio siaʼa ña kiñi, susaá va chindeé a miio ña na e yuʼu yo̱ siaʼa ña nda kaʼan na̱, siaʼña tundeé íñi nuú yo̱, ña e suú ña núú kundo̱o̱ yo̱ nuú ñi yivi yoʼo kuvi ko̱o̱ sií íñi yo̱, Jesús ñi kachi ra̱: “Ta já kandaá ini ndó ña nda̱a̱ ta ña kán kaja ña ná a kákuu ga ndó” (Juan 8:32).