Yérémia 45:1-5
-
Yéhuwah ngélikké Barukh (1-5)
45 Wektu Yérémia ndhéktékké omongané marang Barukh lan Barukh nulis kuwi ing gulungan, yaiku ing taun kepapat pamréntahané Yéhoyakim+ anaké Yosia raja Yéhuda, Nabi Yérémia+ kandha ngéné marang Barukh+ anaké Néria:
2 ”Barukh, iki sing diomongké Yéhuwah Gusti Allahé Israèl soal kowé:
3 ’Kowé kandha, ”Cilaka tenan aku. Aku iki wis susah, ning Yéhuwah malah nggawé aku tambah susah. Aku wis sambat nganti kesel lan ora isa tenang.”’
4 ”Barukh kandhanana ngéné, ’Iki sing diomongké Yéhuwah: ”Aku bakal ngrubuhké apa sing wis Tak bangun, lan Aku bakal nyabut apa sing wis Tak tandur, yaiku kabèh wilayah ing tanah iki.+
5 Ning, kowé malah mburu perkara-perkara sing mbok anggep penting. Aja mburu kuwi manèh.”’
”’Aku arep nggawé kabèh wong ngalami bencana.+ Ning, ing endi waé kowé lunga, Aku bakal nylametké nyawamu,’+ kandhané Yéhuwah.”