AḤRIC 1
Anwi i d Inagan n Yahwa?
Acḥal n Inagan n Yahwa i tessneḍ? Ahat d lǧiran-ik, d wid ukud i txeddmeḍ neɣ d wid ukud i teqqareḍ. Neɣ balak kra seg-sen usan-d a k-d-hedṛen ɣef Wedlis Iqedsen. Di tin n ṣṣeḥ, menhu-yaɣ? Ayɣer i nheddeṛ i medden meṛṛa ɣef wayen is i neţţamen?
Akken i llan medden meṛṛa i nella. Nekka-d si mkul ccetla, yerna mxallafent liḥalat ideg i d-nekker. Kra seg-neɣ llan ttabaεen ddin nniḍen, ma d wiyaḍ ur llin ara ţţamnen s Ṛebbi. Meεna, uqbel a nuɣal d Inagan, akken ma nella nqelleb mliḥ a nissin ayen yesselmad Wedlis Iqedsen. (Lecɣal 17:11) Ayen i d-nelmed iqenneε-aɣ. Ihi, yal yiwen deg-neɣ yextaṛ s yiman-is ad yeεbed Yahwa Ṛebbi.
Leqraya n Wedlis Iqedsen tneffeε-aɣ. Nesεa iɣeblan d leεyub am lεibad meṛṛa. Meεna imi nxeddem lmeǧhud akken a nṭebbeq yal ass imenzayen n Wedlis Iqedsen, nufa belli teţwenniε nezzeh temεict-nneɣ. (Ahellil 128:1, 2) D leḥwayeǧ am tigi i ɣ-yeǧǧan nheddeṛ i wiyaḍ ɣef wayen icebḥen i nufa deg Wedlis Iqedsen.
Lumuṛ i nettabaε kkan-d sɣur Ṛebbi. Lumuṛ-agi, yellan deg Wedlis Iqedsen, ţţawin-d liser d leqder akk-d ṣṣifat nniḍen am ṣṣfawa d leḥnana. Ssawaḍen imdanen ad ilin d ixeddamen n lεali yerna yesεan ṛṛzana; ţweṣṣin ɣer tdukli di twacult akk-d tikli tazedgant. Imi neţţuqenneε belli Ṛebbi “ur ixeddem ara maḥyaf ger yemdanen”, nuɣal d yiwet n twacult yellan di ddunit kamel, neddukkel s wayen is i neţţamen. Tawacult-agi-nneɣ tekka nnig n tlisa i d-iţwaxelqen εlaǧal n tsertit akk-d lxilaf ger ccetlat. Mkul yiwen deg-neɣ d amdan menwala, meεna, s lekmal-nneɣ, nella d agdud ur necbi wayeḍ.—Lecɣal 4:13; 10:34, 35.
-
Acuɣer i nezmer a d-nini belli Ina gan n Yahwa cuban ɣer lεibad meṛṛa?
-
Acu i d-ţţawin lumuṛ i d-lemden Inagan n Yahwa seg Wedlis Iqedsen?