AḤRIC 21
D acu i d Bitil?
Di lluɣa taεibṛanit, Bitil lmeεna-s ‘Axxam n Ṛebbi.’ (Laṣel n ddunit 28:17, 19) Isem-agi d isem iwulmen i yexxamen iseg i geţţuwelleh ccɣel n uberreḥ n Inagan n Yahwa. Neţţaf ixxamen-agi deg waṭas n imukan di ddunit. Asqamu amwellah iqeddec di Bitil n Nuyuṛk, di Marikan; ssyenna i gessedduy ayen akk i xeddmen Bitilat yellan deg waṭas n tmura. Wid iqeddcen di Bitilat-agi ţţusemman “tawacult n Bitil.” Am iεeggalen n twacult, At Bitil ţεicen akken, teţţen akken, xeddmen akken yerna qqaren Adlis Iqedsen di tdukli.—Ahellil 133:1.
D amkan amxalef ideg i ţţaken si lǧehd-nsen wat Bitil, amzun d yiwet n “twacult”. Di yal Bitil, llan Inagan, d irgazen neɣ ţ-ţulawin, i geţţaken lweqt-nsen kamel akken ad xedmen lebɣi n Ṛebbi w’a d-lhin d nnfeε n Tgelda. (Matta 6:33) Ula d yiwen deg-sen ur iţwaxellaṣ, lameεna iţţunefk-asen anda ara zedɣen d wayen ara ččen, yerna iţṣaḥ-iten-id kra n umeṣruf s wacu ara qablen lmeḥwiǧat-nsen. Yal yiwen yesεa ccɣel ara yexdem: di lbiru, di tkuzint, di tzeqqa ideg i teţţen, di lemṭabεa, di leqdic n welsaq n tektabin, deg usizdeg, di leqdic n usired n iceṭṭiḍen, neɣ deg wayen nniḍen.
D amkan ideg i qeddcen wat Bitil akken ad fken afus n lemεawna i uberreḥ. Atan lmeqsud amezwaru n mkul Bitil: ad yessiweḍ tideţ n Wedlis Iqedsen i waṭas n medden. Γef lemtel, d ayen i gxeddem s treẓẓiyin am tagi. Teţwakteb s lwelha n Wesqamu amwellah, ssyin teţţuceggeε s ţţawil n luṛdinatur i xilla n trebbuyaε i gesṭerjimen di mkul tama n ddunit. Mbeεd, teḍbeε-ed di kra n Bitilat s tmacinin i gţeddun s lemɣawla; ɣer taggara, teţţuceggeε ɣer wakteṛ n 110 000 n tjemmuyaε. S wayen akk i txeddem “twacult n Bitil” segmi ara teţwakteb tezmamt alamma d asm’ara teţţuceggeε, teţţak lemεawna tameqrant di ccɣel n uberreḥ n lexbaṛ n lxiṛ, yellan d ccɣel yesεan akk azal.—Marqus 13:10.
-
Anwi i d At Bitil? Ţwaxellaṣen?
-
Yal Bitil yeţţak-ed afus n lemεawna deg yiwen n ccɣel yesεan azal. D acu-t ccɣel-agi?