AḤRIC 13
Acu i d anaram?
Ameslay “anaram” yesεa tikwal lmeεna n win yeţnadin deg imeḍqan ur neţwassen ara, win ineǧǧṛen abrid i wiyaḍ. Nezmer a d-nini belli Σisa yella d anaram, imi i d-iţţuceggeε ɣer lqaεa akken ad yebdu aberreḥ n lexbaṛ ara d-yawin tudert, w’ad yeldi abrid i lεibad bac ad ţţusellken. (Matta 20:28) Ass-a, inelmaden-is ţεanaden-t, ţţaken ayen akk iwumi i zemren si lweqt-nsen akken a d-rnun inelmaden nniḍen. (Matta 28:19, 20) Kra ssawḍen ad xedmen ayen iwumi i neqqar leqdic n unaram.
D win yeţberriḥen lweqt kamel. Inagan n Yahwa akken ma llan ţberriḥen lexbaṛ n lxiṛ. Meεna, kra seg-sen xedmen ayen ilaqen akken ad ilin d inaramen, yeεni ad ţbecciṛen 70 n sswayeε di ccheṛ. Bac ad izmiren ad xedmen annect-a, xilla i gesteqniεen s kra kan n sswayeε n lxedma. Inagan nniḍen, ţţuceggεen d inaramen imxulaf ɣer imukan anda i xuṣṣen iberraḥen; ţbecciṛen di ccheṛ 130 n sswayeε neɣ kteṛ. Inaramen steqniεen daɣen s temεict taxfifant, ur ţnadin ara ad kesben aṭas n cci; ţkalayen belli Yahwa a sen-d-yefk ayen i ḥwaǧen. (Matta 6:31-33; 1 Timutawus 6:6-8) Wid ur nezmir ara ad beccṛen lweqt kamel, teţţunefk-asen tegniţ ad ilin d inaramen imεawnen, yeεni ad beccṛen 30 neɣ 50 n sswayeε deg waggur.
D win i gḥemmlen Ṛebbi akk-d yemdanen. Am Σisa, nerra-d s lexbaṛ belli xilla i geḥwaǧen mliḥ ad issinen Ṛebbi akk-d lmeqsud-is. (Marqus 6:34) Acu kan, nesεa tamusni i gzemren a ten-tεiwen si tura w’a sen-tefk asirem iṣeḥḥan. Anaram iḥemmel lεibad, daymi i geţţak mebla cceḥḥa si lweqt-is akk-d lǧehd-is bac a sen-iberreḥ lexbaṛ n lxiṛ. (Matta 22:39; 1 Itisalunikiyen 2:8) Acu i d-istenfiε seg wayagi? Liman-is yeţţiǧhid, yeţqerrib ɣer Ṛebbi yerna iseεεu xilla n lfeṛḥ.—Lecɣal 20:35.
-
Acu i d anaram?
-
Anta ṣṣifa i geţdemmiren kra bac ad ilin d inaramen?