Nũũ Ũla Ũsumbĩkĩte Nthĩ?
Wĩona ta . . .
-
Ngai?
-
andũ?
-
kana nĩ kyũmbe kĩngĩ?
MBIVILIA YAĨTYE ATA?
“Nthĩ yonthe nĩsumbĩkĩtwe nĩ Ũla Mũthũku.”—1 Yoana 5:19, The Holy Bible in Current Kikamba Language.
“Kĩtumi kya kũka kwa Mwana wa Ngai kyaĩ kwananga mawĩa ma Satani.”—1 Yoana 3:8, BCK.
ŨNDŨ KŨMANYA ŨU KŨTONYA ŨKŨTETHYA
Kũkaũtethya ũelewe nesa nĩkĩ kwĩ mathĩna ĩũlũ wa nthĩ.—Ũvuanʼyo 12:12.
Kũkaũnenga kĩtumi kya kũĩkĩĩa kana nthĩ ĩno ĩkaalyũka yĩthĩwe yĩ nzeo.—1 Yoana 2:17.
NĨTŨTONYA KŨĨKĨĨA ŨNDŨ MBIVILIA YAĨTYE?
Ĩĩ, nũndũ wa itumi ta itatũ:
-
Ũsumbĩ wa Satani ũkilyĩ kwanangwa. Yeova nũtwʼĩte kũmina ũsumbĩ wa Satani ĩũlũ wa nthĩ. Athanĩte kana ‘akamwasya vinya Ndevili’ na kũveta vyũ ũthũku wʼonthe ũla Satani ũetete ĩũlũ nthĩ.—Aevelania 2:14, The Bible in Kikamba, 1974.
-
Ngai amũnyuvĩte Yesũ Klĩsto ethĩwe mũsumbĩ wa nthĩ. Yesũ e kĩvathũkanyʼo vyũ na Satani ũla ũsumbĩkĩte nthĩ ũmũnthĩ. Satani nde tei na endaa kwĩyĩuna o we mwene. Ngai athanĩte ũũ ĩũlũ wa ũsumbĩki wa Yesũ: “Akeewʼĩa tei ngya na athĩni. . . . Akoovosya mathayũ moo kuma thĩnanĩ na ũngʼendunĩ.”—Savuli 72:13, 14.
-
Ngai ndakenganaa. Mbivilia ĩwetete ũtheinĩ atĩĩ: “Kũitonyeka Ngai kũneena ũvũngũ.” (Aevelania 6:18) Ĩla Yeova wathana kwĩka ũndũ, we nde ndĩi ya kũlea kũwĩka! (Isaia 55:10, 11) ‘Mũnene wa nthĩ ĩno akekwʼa nza.’ —Yoana 12:31.
KWASŨANĨA ĨKŨLYO YĨĨ
Nthĩ ĩkeethĩwa ĩilyĩ ata ĩtina wa mũsumbĩ wayo kũvetwa?
Mbivilia nĩsũngĩĩte ĩkũlyo yĩu ĩandĩkonĩ ya SAVULI 37:10, 11 na ya ŨVUANʼYO 21:3, 4.
No Wendeewʼe Nĩ Ii
MŨSYAĨĨSYA
Mosũngĩo ma Makũlyo ma Mbivilia
MOMANYĨSYO MA VATA MA MBIVILIA
Nĩkĩ Ngai Ũekete Mathĩna Maendeee?
Andũ aingĩ nĩmekũlasya nĩkĩ nthĩ yusĩe kĩmena na mathĩna. Mbivilia nĩnenganĩte ũsũngĩo mũseo ũtonya kũtũkiakisya.
MOSŨNGĨO MA MAKŨLYO MA MBIVILIA
We Ndevili nĩ Kyũmbe?
We Ndevili nĩ ũthũku wĩthĩawa nthĩnĩ wa andũ, kana nĩ kyũmbe?
ĨŨLŨ WITŨ
Nĩkĩ Waĩle Kwĩmanyĩsya Mbivilia?
Mbivilia nĩtumĩte andũ milioni mbingĩ ĩũlũ wa nthĩ makwata mosũngĩo ma makũlyo ala ma vata vyũ thayũnĩ. We nũkwenda kwĩthĩwa ũmwe wa andũ asu?
ĨŨLŨ WITŨ
Kũlya Ũthokewe
Kwata ũsũngĩo wa ĩkũlyo yĩkonetye Mbivilia, kana wĩmanyĩsye mũnango ĩũlũ Ngũsĩ sya Yeova.
