«Уафэм щыІэ Алыхьым зэи мыкъутэжыну пащтыхьыгъуэ игъэувынущ» (Даниил 2:44, Перевод нового мира).

«И адэшхуэ Даут и тахътэр Зиусхьэну Тхьэм абы къритынущ... И тепщэныгъэшхуэм зэи кІэ иІэнукъым» (Лука 1:32, 33, ЩІэдзапІэмрэ ХъыбарыфІымрэ, 2011).

• Пэжагъ зыхэлъ, уи гъащІэр нэхъыфІ зыщІыну правительствэ (Исаия 48:17, 18).

• КъэкІуэну зэманым узыншагъэ быдэрэ насыпрэ (Апокалипсис 21:3, 4).

Хъунущ, абы щхьэусыгъуэ куэд иІэщ. Псалъэм папщІэ:

• Хьисэ бегъымбарым къигъэлъэгъуащ Алыхьым и Пащтыхьыгъуэм цІыхухэм яхуищІэнур. Хьисэ и егъэджэнхэр игъасэрт ахэр Тхьэм елъэІуну Алыхьым и Тепщэныгъэшхуэр, нэгъуэщІу жыпІэмэ Пащтыхьыгъуэр, къэкІуэн щхьэкІэ икІи щІылъэм теухуауэ Алыхьым иІэ мурадыр игъэзэщІэн щхьэкІэ (Маттэ 6:9, 10). А Пащтыхьыгъуэм и унафэщІ хъун хуей Хьисэ ІупщІу къигъэлъэгъуащ а тхьэлъэІум Алыхьым жэуап зэрыритыну щІыкІэр.

  Хьисэ щІылъэм щыпсэуам мэжэщІалІэхэр игъашхэт, сымаджэхэр игъэхъужт, лІа нэгъуни къигъэтэджыжт! (Маттэ 15:29—38; Иуан 11:38—44) Абы цІыхухэм яригъэлъэгъуащ къэкІуэну зэманым Алыхьым и Пащтыхьыгъуэм щІэтынухэм къалъысыну гъащІэфІыр (Апокалипсис 11:15).

• Мы дунейм къыщекІуэкІ Іуэхугъуэхэм нэрылъагъу ящІ Алыхьым и Пащтыхьыгъуэр къызэрыблэгъар. Хьисэ жиІауэ щытат Алыхьым и Пащтыхьыгъуэм мамырыгъэр щызэтригъэувэжыну дыдэм ипэ къихуэу, дунейм щІыпІэ-щІыпІэхэмкІэ щІыр щыхъеину, гъаблэхэр, зауэхэр къэхъуну (Маттэ 24:3, 7).

  Аращ нобэ дэри тлъагъур. Абы къыхэкІыу быдэу ди фІэщ тщІы хъунущ Алыхьым и Пащтыхьыгъуэм куэд мыщІэу мы дунейм къыщекІуэкІ гугъуехьхэм кІэ къызэрыхуигъэкІуэнур.