Библиер сыту зэрыплъытэр?
Сыт уэ жыпІэр, ар...
-
бегъымбархэм ятхыу иужькІэ зэрахъуэкІа?
-
таурыхърэ шыпсэрэ зэрыт тхылъ?
-
Алыхьым и Псалъэ?
ТХЫГЪЭ ЛЪАПІЭМ ЖИІЭР
«Тхьэм и псалъэ тха лъапІэ псори Тхьэм и Псэ ЛъапІэм деж къикІащ» (2 Тимофей 3:16, ЩІэдзапІэмрэ ХъыбарыфІымрэ, 2011).
АБЫ УИ СЭБЭПУ ХЭЛЪЫР
ГъащІэм къыщыхъей мыхьэнэшхуэ зиІэ упщІэхэм жэуап нэс ирет (Притчи 2:1—5).
ГъащІэм къыщыбгъэсэбэп хъуну чэнджэщ къыует (Псалом 119:105).
ГугъапІэ пэж къыует (Рим 15:4).
ТХЫГЪЭ ЛЪАПІЭМ ЖИІЭР ДИ ФІЭЩ ТЩІЫ ХЪУНУ?
Хъунущ, абы щхьэусыгъуэ куэд иІэщ. Псалъэм папщІэ:
-
Абы итыр псори зэтохуэ. Библиер илъэс 1 600-м къриубыдэу цІыху 40 хуэдизым ятхащ. Абыхэм и нэхъыбэр зэи зэхуэзакъым. ИтІани, зэрытхылъу зы темэщ кІуэцІрыкІыр.
-
Зытхахэм къэхъуа дыдэращ ятхыжар. Тхыдэр зытхыжу щыта куэдым я лъэпкъхэм ящІа щыуагъэхэр ятхыжтэкъым. Ауэ, Библиер зытхахэм езым я щыуагъэхэри я лъэпкъэгъухэм я щыуагъэхэри щІамыхъумэу ятхыжащ (2 Летопись 36:15, 16; 1 Тимофей 1:13).
-
Къэхъунур пэжу жеІэ. Бабилэныр зэрызэтекъутэну щІыкІэр илъэс 200 ипэ къихуэу Библием щыжыІауэ щытащ (Исаия 13:17—22). А къалэр къызэразэуну щІыкІэм и мызакъуэу, къэзызэуным и цІэри иратхауэ щытащ (Исаия 45:1—3).
Абы нэмыщІ Библием къэхъун хуейуэ ит куэд къэхъуащ. Аракъэ Алыхьым и Псалъэр зэрыщытын хуейр? (2 Петр 1:21).
ЕГУПСЫСЫТ
Дауэ Алыхьым и Псалъэм уи гъащІэр нэхъыфІ зэрищІынур?
Тхыгъэ ЛъапІэм абы и жэуапыр итщ ИСАИЯ 48:17, 18; 2 ТИМОФЕЙ 3:16, 17.
Иджыри уигу ирихьыфынур
ESSENTIAL BIBLE TEACHINGS
Дэнэ дэ щытщІэр Библиер Алыхьым къызэрыбгъэдэкІыр?
Библиер Алыхьым къыбгъэдэкІмэ, абы хуэдэ тхылъ мы дунейм тетын хуейкъым.
ДЭ ТТЕУХУАУЭ
Библиер щІэджын хуейр сыт?
Дуней псом цІыху мелуан куэдым Библиер сэбэп яхуохъу мыхьэнэшхуэ зиІэ упщІэхэм я жэуапыр къагъуэтыну. Ухуейт уэри ар сэбэп къыпхуэхъуну?
